મહત્વપૂર્ણ નિર્ણય / આ રાજ્યમાં જલ્દી લાગુ થઈ જશે પ્રાઇવેટ નોકરીઓમાં અનામત, 75% રિઝર્વેશન મુદ્દે સુપ્રીમ કોર્ટનો મહત્વનો ચુકાદો

• સુપ્રીમ કોર્ટે પંજાબ હરિયાણા હાઈકોર્ટના આ આદેશને રદ્દ કર્યો
• ખાનગી ક્ષેત્રની નોકરીઓમાં 75 ટકા અનામત પર હાઈકોર્ટે લગાવ્યો પ્રતિબંધ
• કોઈ પણ ઈન્ડસ્ટ્રી સામે દંડાત્મક કાર્યવાહી નહીં કરવામાં આવે

સુપ્રીમ કોર્ટે હાઈકોર્ટને નિર્ણય જણાવવા આપ્યો આદેશ

સુપ્રીમ કોર્ટે હાઈકોર્ટ તરફથી લગાવવામાં આવેલા પ્રતિબંધને હટાવીને રાજ્ય સરકારને કહ્યું છે કે કોઈ ઈન્ડસ્ટ્રીની સામે અનામત કાયદો લાગુ કરવામાં કોઈ પગલું ઉઠાવવામાં આવશે નહીં. આ સાથે સુપ્રીમ કોર્ટે હાઈકોર્ટને 4 અઠવાડિયામાં આ મામલે ચુકાદો આપવા માટે જણાવ્યું છે. 

અનામત લાગુ ના કરનારા ઉદ્યોગો પર કોઈ દંડાત્મક કાર્યવાહી નહીં કરે

સુપ્રીમ કોર્ટે હરિયાણા સરકારને કહ્યું કે તેઓ અત્યારે અનામત લાગુ ના કરનારા ઉદ્યોગો પર કોઈ દંડાત્મક કાર્યવાહી ના કરે. હરિયાણા સરકારે સુપ્રીમ કોર્ટને કહ્યું હતુ કે હાઈકોર્ટે સરકારને પક્ષ રાખ્યા વિના કાયદા પર એકતરફી પ્રતિબંધ લગાવી દીધો હતો. ઉલ્લેખનીય છે કે હાઈકોર્ટે ફરીદાબાદ ઈન્ડસ્ટ્રીયલ એસોસિએશન અને અન્ય કરવામાં આવેલી અરજી પર રાજ્ય સરકારના કાયદા પર પ્રતિબંધ લગાવી દીધો હતો. અરજી કરનારા લોકોનું કહેવુ હતુ કે ખાનગી ક્ષેત્રમાં યોગ્યતા અને કોશલ્ય અનુસાર લોકોની પસંદગી કરવામાં આવી છે. જો નોકરીદાતાઓ પાસેથી કર્મચારીઓની પસંદગી કરવાનો અધિકાર લઇ લેવામાં આવશે તો ઉદ્યોગ કેવીરીતે આગળ વધી શકશે. 

આ આજીવિકાનો મામલો છે, જે અંગે અમે ચિંતિત છીએ

સુપ્રીમ કોર્ટમાં કેસની સુનાવણી દરમ્યાન સૉલિસિટર જનરલ તુષાર મહેતાએ કહ્યું, આંધ્ર પ્રદેશ, ઝારખંડ, મહારાષ્ટ્ર, હરિયાણા આ પ્રકારની અનામત છે. ઝારખંડ અને મહારાષ્ટ્રને પડકાર આપવામાં આવ્યો નથી. આંધ્ર પ્રદેશ અને હરિયાણાને પડકાર આપવામાં આવ્યો છે. સુપ્રીમ કોર્ટે SGને પૂછ્યુ કે શું તમારુ સુચન છે, શું તમે ઈચ્છો છો. અહીં અમે કેસને ટ્રાન્સફર કરીએ અથવા ફક્ત હરિયાણાવાળા કેસની સુનાવણી કરીએ. જો હાઈકોર્ટને પાછા મોકલીએ તો હાઈકોર્ટના આદેશ પર પ્રતિબંધ લગાવવાની જરૂર નથી.