ખુશખબર / કોરોનાની રસીને લઇને હાર્વર્ડ યુનિવર્સિટીના પ્રોફેસરે આપ્યા ખુશખબર, આ સમયે મળી શકે વેક્સિન

• કોરોના વાયરસની રસીને લઇને આવ્યા સારા સમાચાર
• અમેરિકા, ચીન અને બ્રિટનમાં ટ્રાયલ ચાલી રહી છે
• 2021ની શરૂઆતના તબક્કામાં મળી જશે વેક્સિન

એકવાર આ વેક્સિનની ક્લિનિકલ ટ્રાયલ સંપૂર્ણ રીતે સફળ થઈ જાય, તે પછી કોવિડ -19 રસી તૈયાર કરવા માટે લાંબો સમય રાહ જોવી પડશે નહીં. રાહુલ ગાંધી સાથેના એક ઇન્ટરવ્યુ દરમિયાન તેમણે આ વાત કરી હતી. 

અમેરિકા, ચીન અને બ્રિટનમાં ટ્રાયલ ચાલી રહી છે

કોવિડ -19ની રસી વિશેની વિગતમાં હાર્વર્ડ યુનિવર્સિટીના પ્રોફેસર આશિષ ઝાએ જણાવ્યું હતું કે કોરોના વાયરસના ત્રણ વેક્સિન અમેરિકા, ચીન અને યુકેમાં પરીક્ષણ કરવામાં આવી રહ્યા છે. પ્રોફેસરે એ પણ ધ્યાન દોર્યું કે શરૂઆતમાં જોવા મળેલા પરિણામો એકદમ સંતોષકારક છે.

2021ની શરૂઆત સુધીમાં મળી જશે આ વેક્સિન

તેમનું એમ પણ કહેવું છે કે, આવું જ પરિણામ જો સતત મળતું રહે તો અને તેમાં સુધારો થાય છે તો કોરોના વાયરસની વેક્સિન વર્ષ 2021ની શરૂઆત સુધીમાં તૈયાર કરી લેવામાં આવશે. તેમણે એવી આશા વ્યક્ત કરી હતી કે, ત્રણમાંથી કોઇ એક વેક્સિન 2021ની શરૂઆત સુધીમાં કોરોના મહામારી સામે રક્ષણ આપવા માટે ઉપયોગ કરી શકાશે. 

રાહુલ ગાંધીએ પણ કરી આ નિષ્ણાંત સાથે વાતચીત 

રાહુલ ગાંધી સાથેની વાતચીતમાં હાર્વર્ડ આરોગ્ય વિશેષજ્ઞ આશિષ ઝાએ કહ્યું કે લોકડાઉન પછી હવે જ્યારે અર્થવ્યવસ્થા ખુલી ગઇ છે, તમારે ભરોસો ઉભો કરાવવો પડશે. ઝાએ કહ્યું કે કોવિડ-19 '12 થી 18 મહિનાની સમસ્યા છે, જેમાંથી 2021 પહેલા છુટકારો મળવાની શક્યતા ઓછી છે' 

આશિષ ઝાએ કહ્યું કે વધારે જોખમવાળા ક્ષેત્રોમાં વધારે ઝડપથી તપાસ કરવાની રણનીતિ બનાવાની આવશ્યકતા છે. આરોગ્ય વિશેષજ્ઞ ઝાએ કહ્યું કે આપણે મોટી મહામારીના સમયગાળાના તબક્કામાં પ્રવેશ કરી રહ્યાં છે. આપણે જે વૈશ્વિક મહામારી જોઇ રહ્યાં છે, તે અંતિમ નથી.