ગુજરાત કોંગ્રેસના આ નેતાની રાષ્ટ્રીય ટીમમાં કરાઇ પસંદગી જાણો કોણ

અમદાવાદ: લોકસભાની ચૂંટણી નજીક આવી રહી છે. ત્યારે ગુજરાત કોંગ્રેસના વધુ એક નેતાની રાષ્ટ્રીય ટીમમાં પસંદગી કરવામાં આવી છે. જેમાં હર્ષદ રિબડીયાની રાષ્ટ્રીય કિસાન કોંગ્રેસના કોર્ડિનેટર તરીકે નિયુક્તિ કરાઈ છે.

તેમને નેશનલ કોર્ડિનેટરની 8 સભ્યોની ટીમમાં સ્થાન આપવામાં આવ્યું છે. તો જોઇન્ટ કોર્ડિનેટર તરીકે પણ 8 સભ્યોની નિમણૂંક કરવામાં આવી છે. મહત્વનું છે કે હર્ષદ રિબડિયા ગુજરાત કિસાન કોંગ્રેસના અધ્યક્ષ રહી ચૂક્યા છે.
 

#GUjarat કોંગ્રેસના વધુ એક નેતાની રાષ્ટ્રીય ટીમમાં પસંદગી હર્ષદ રિબડિયાની રાષ્ટ્રીય કિસાન કોંગ્રેસના કોર્ડિનેટર તરીકે નિયુક્તિ નેશનલ કોર્ડિનેટરની 8 સભ્યોની ટીમમાં સ્થાન@INCGujarat @harshadribadiy1 pic.twitter.com/EQBTvTBSRy

— VTV Gujarati News (@VtvGujarati) February 16 2019

જૂનાગઢથી પાર્ટી મને લડાવવા માગે છે: હર્ષિદ રિબડિયા
તો જૂનાગઢ બેઠક પરથી લોકસભા ચૂંટણી લડવા મુદ્દે હર્ષદ રિબડિયાએ જણાવ્યું હતું કે જૂનાગઢથી પાર્ટી મને લડાવવા માગે છે. જો કે હું જૂનાગઢ ચૂંટણી લડવા માંગતો નથી. છતા પાર્ટી જે નિર્ણય લેશે તે આખરી ગણાશે. 

ઉલ્લેખનીય છે કે આવનારી આગામી લોકસભાની ચૂંટણીમાં જીત મેળવવા માટે કોંગ્રેસ દ્વારા એડીચોટીનો જોર લગાવવામાં આવી રહ્યો છે. ત્યારે અગાઉ કોંગ્રેસ દ્વારા લોકસભાની ચૂંટણી પહેલાં હાઈપાવરની કમિટીની રચના કરવામાં આવશે તેવી જાહેરાત કરાઇ હતી. જેમાં હાઈકમાન્ડ દ્વારા લોકસભાની ચૂંટણીની સત્તા સોંપવામાં આવશે તેવું કહેવામાં આવ્યું હતું.

જેમાં હાઈકમાન્ડ દ્વારા 8 સભ્યોની કમિટી તૈયાર કરાશે. તેમજ આ કમિટીમાં સિનિયર અને જુનિયર નેતાઓનો સમાવેશ કરવામાં આવશે. જેમાં અમિત ચાવડા અર્જુન મોઢવાડિયા સિદ્વાર્થ પટેલ અલ્પેશ ઠાકોર તુષાર ચૌધરી પરેશ ધાનાણી ભરતસિંહ સોલંકી અને પ્રદેશ પ્રભારીની 8 સભ્યોની કમિટી તૈયાર કરાશે એવાં સમાચાર પણ વહેતા થયાં હતાં.