ઇલેક્શન 2022 / ઠેર ઠેર EVMને લઈને થતી ફરિયાદો મામલે હર્ષ સંઘવીએ આપ્યો જવાબ, જુઓ શું કહ્યું

• મતદાનને લઈ હર્ષ સંઘવીને નિવેદન
• સુરતમાં શાંતિ પૂર્ણ મતદાન ચાલી રહ્યું છે: હર્ષ સંઘવી 
• ગુજરાતમાં ત્રીજો પક્ષ ક્યારેય ફાવ્યો નથી: હર્ષ સંઘવી 

ગુજરાતના 19 જિલ્લાની 89 બેઠકો પર આજે વિધાનસભા ચૂંટણીનું પ્રથમ તબક્કાનું મતદાન છે. ત્યારે સૌ મતદાતાઓ ઉમંગભેર મતદાન કરવા માટે સવારથી જ લાઇનમાં જોડાઇ ગયા હતા અને ઉત્સાહસભ મતદાન પણ કરી રહ્યાં છે. તેમજ કચ્છ-સૌરાષ્ટ્ર અને દ.ગુજરાતની ચર્ચિત બેઠકો પર ભારે રસાકસીનો માહોલ જોવા મળી રહ્યો છે. એવામાં  ગૃહરાજ્ય મંત્રી હર્ષ સંઘવીએ કહ્યું કે, ત્રીજો પક્ષ ક્યારેય ફાવ્યો નથી.

હર્ષ સંઘવીનું નિવેદન
વિધાનસભા ચુંટણીનું પેહલા તબક્કાનું મતદાન થઈ રહ્યું છે. આ પ્રસંગે ગૃહરાજ્ય મંત્રી હર્ષ સંઘવી જણાવ્યું કે, સુરતમાં શાંતિ પૂર્ણ મતદાન ચાલી રહ્યું છે તેમજ તમણે જણાવ્યું કે, ગુજરાતમાં ત્રીજો પક્ષ ક્યારેય ફાવ્યો નથી અને કતાર ગામ હોય કે વરાછા રોડ તમામ બેઠકો પર ભાજપનો વિજય થશે તેમણે વધુમાં કહ્યું કે, ઇવીએમનો દોષ કાઢવાની કોંગ્રેસની આદત છે અને લક્ષ્ય પ્રમાણે 8 તારીખે પરિણામ આવશે.

#GujaratAssemblyPolls |
મતદાનને લઈ હર્ષ સંઘવી કહ્યું કે, ગુજરાતમાં ત્રીજો પક્ષ ક્યારેય ફાવ્યો નથી અને કતાર ગામ હોય કે વરાછા રોડ તમામ બેઠકો પર ભાજપનો વિજય થશે, સુરતમાં શાંતિપૂર્ણ રીતે મતદાન ચાલી રહ્યું છે.#GujaratElection2022 #firstphasevoting @sanghaviharsh #surat

— VTV Gujarati News and Beyond (@VtvGujarati) December 1, 2022

"કોંગ્રેસ EVMને લઈ દરેક ચૂંટણીમાં આક્ષેપ કરતી હોય"
હર્ષ સંઘવીએ જણાવ્યું કે, લોકોશાહીના આ પર્વને વધુ ખૂબસુરત બનાવવા માટે ગુજરાતના મતદારો પોત પોતના મતનો ઉપયોગ જરૂરથી કરે, ગુજરાતના ગામડાઓથી લઈ શહેરની ગલીઓ સુધી આપણે જોઈ શકીએ છીએ કે, એક નિર્ણય લધો છે કે, 2002થી મોદીજી શરૂ કેરલી અવિરત યાત્રા આગળ વધારવા માટે આજે મતદારોની આંખોમાં જોવા મળી રહ્યાં છે. તેમણે આપને લઈ કહ્યું કે, દરેકને ચૂંટણી લડવાનો અધિકાર છે, તેમણે કહ્યું કે, કોંગ્રેસ EVMને લઈ દરેક ચૂંટણીમાં આક્ષેપ કરતી હોય છે.

PM મોદીના પ્રત્યે લોકોને આદર છે: રૂપાણી
રાજકોટથી પૂર્વ CM વિજય રૂપાણી અને તેમના પત્ની અંજલી રૂપાણી પણ અનિલ જ્ઞાનગંગા સ્કૂલ ખાતે મતદાન કરવા પહોંચ્યા હતા. જ્યાં પૂર્વ મુખ્યમંત્રી વિજય રૂપાણીએ જીતનો વિશ્વાસ વ્યક્ત કર્યો હતો તેમજ સૌને મતદાન કરવા અંગેની પણ અપીલ કરી હતી. વિજય રૂપાણીએ મતદાન દરમ્યાન નિવેદન આપતા કહ્યું હતું કે, 'ભાજપ ભારે બહુમતથી જીતશે. લોકતંત્રની રક્ષા માટે મતદાન કરવું જરૂરી છે. PM મોદીના પ્રત્યે લોકોને આદર છે.' જ્યારે વિજય રૂપાણીના પત્ની અંજલી રૂપાણીએ મતદાન દરમ્યાન નિવેદન આપતા કહ્યું હતું કે, 'ભાજપ મહિલા સશક્તિકરણ પર કામ કરે છે.' આ સાથે જ વિજય રૂપાણીએ કહ્યું હતું કે ભારતમાં રેકોર્ડ થશે કે એક જ રાજ્યમાં એક જ પાર્ટીને સાતમી વખત બહુમતીથી જીતીને સરકાર બનાવશે.