ગૃહ રાજ્યમંત્રી હર્ષ સંઘવી દ્વારા સુરત ટ્રાફિક પોલીસ નામથી બનાવાયેલ ટ્રાફિક એપ લોન્ચ કરવામાં આવી હતી. આ એપના માધ્યમથી કોઈ વિસ્તારમાં ટ્રાફિક જામ હોય, પાર્કિંગ, રોંગ સાઈડ, બ્લેક ફિલ્મ તેમજ ગંભીર અકસ્માતની માહિતી આપી શકાશે. આ સાથે જ ટોઇંગ કરાયેલ વાહનની જાણકારી પણ એપ થકી મળશે.
હર્ષ સંઘવીના AAP પર પ્રહાર
હર્ષ સંઘવીનો AAP પર પ્રહાર કર્યા હતા. તેમણે ઉમેર્યું કે કેટલાક લોકો ગુજરાતને બદનામ કરવાના કામમાં લાગ્યા છે. દેશ બહારના લોકો પણ ભરમાવવા કામ કરતા હોય છે. પાંચ વર્ષમાં કોઇ દેખાયા નથી. હવે જયારે ચૂંટણી આવે એટલે આવા લોક આવી જાય છે.અ ચાનક ગુજરાતની ચિંતા કરવા આવેલા 1 જાન્યુઆરી પછી એક દેખાવાના નથી અને કોરોના કાળમાં લોકોને જ્યારે જરૂર હતી ત્યારે કોઇ નજરે પડતાં ન હતા તેમ હર્ષ સંઘવીએ ઉમેર્યું હતું.
ડ્રગ્સના દૂષણ સામે પક્ષ-વિપક્ષે એક થઈને જવાબદારી નિભાવવી જોઇએ
સુરત મુલાકાત દરમિયાન ગૃહ રાજ્યમંત્રી હર્ષ સંઘવીએ જણાવ્યું હતું કે, ગુજરાતમાં ડ્રગ્સના દૂષણને અટકાવવા ગુજરાત પોલીસે સુરક્ષા એજન્સીઑના સહકારથી છેલ્લા એક વર્ષમાં આશરે 6500 કરોડ રૂપિયાનું ડ્રગ્સ ઝડપી પાડ્યું છે. કોલકતામાં 280 કરોડની કિંમતના 39 કિલો ડ્રગ્સ ઝડપી લેવા મામલે હર્ષ સંઘવીએ ગુજરાત પોલીસને અભિનંદન પાઠવ્યા હતા. અમુક નેતાઑ ડ્રગ્સ મામલે પોલીસની કામગીરી સામે સવાલો ઉઠાવે છે ત્યારે ડ્રગ્સના દૂષણ સામે પક્ષ-વિપક્ષે એક થઈને જવાબદારી નિભાવવી જોઇએ. તેમ હર્ષ સંઘવીએ ઉમેર્યું હતું.
હા હું ડ્રગ્સ પકડનાર સંઘવી છું: હર્ષ સંઘવી
ગૃહ રાજ્યમંત્રી હર્ષ સંઘવીએ હુંકાર કરતા જણાવ્યું કે કેટલાક લોકો મને ડ્રગ્સ સંઘવી કહે છે. તો હા હું ડ્રગ્સ પકડનાર સંઘવી છું. વધુમાં ગુજરાત પોલીસ દેશભરમાંથી ડ્રગ્સના નેટવર્ક ખુલ્લા પાડી રહી છે. પોલીસે પંજાબ અને દિલ્લી પોલીસ સાથે મળી મોટા એપરેશન પાર પાડ્યા છે અને આ લડાઈ આગામી સમયમાં પણ ચાલુ રહેશે. ડ્રગ્સ નેટવર્ક તોડ્યું એટલે કેટલાકના પેટમાં દુઃખે છે. અંતમાં ડ્રગ્સ વિરોધી લડાઇમાં ગુજરાત નંબર વન પર હોવાનો હર્ષ સંઘવીએ દાવો કર્યો હતો.