ગુજરાતી છું.. ગુજરાતી રહીશ નામનું રૅપ સોંગ ગૃહરાજ્યમંત્રી હર્ષ સંઘવીનો દીકરો આરુષ ગાઈ રહ્યો છે
હર્ષ સંઘવીએ વીડિયો કર્યો પોસ્ટ
પુત્ર આરૂષ રૅપ સોંગ ગાઈ રહ્યો છે
'ગુજરાતી છું.. ગુજરાતી રહીશ'
ગુજરાતી હોવાનો ગર્વ કોણે ન હોય, ગુજરાતના હોવાનું માન કોને ન હોય, હાલમાં સોશિયલ મીડિયામાં ગૃહ રાજ્યમંત્રી હર્ષ સંઘવીના દીકરા આરુષનો રૅપ સોન્ગ ગાતો વીડિયો ખૂબ જ વાયરલ થઈ રહ્યો છે. આરુષ આ વીડિયોમાં ગુજરાતી ભાષામાં રૅપ સોન્ગ ગાઈ રહ્યો છે. આ વીડીયો ખુદ હર્ષ સંઘવીએ પોતાના ઈન્સ્ટાગ્રામ, ટ્વીટર એકાઉન્ટમાં શેર કર્યો છે.
'ગુજરાતી છું, ગુજરાતી રહીશ'
વીડિયોમાં આરુષ તેના મિત્રો સાથે સ્કૂલમાં રૅપ સોન્ગ ગાઈ રહ્યો છે.. જેમાં રૅપ કરી રહ્યો છે કે લંડન જઈશ, અમેરિકા જઈશ, દુનિયાભરની સારી સારી હોટલોમાં રહીશ, બધા હેલો હેલો કરશે, હું કેમ છો કહીશ, ગુજરાતી છું, ગુજરાતી રહીશ.
સોશિયલ મીડિયામાં વીડિયોએ ધૂમ મચાવી
ગૃહ રાજ્યમંત્રી હર્ષ સંઘવી આ વીડિયોને શેર કરતાં લખ્યું હતું કે 'આનાથી વધારે ગર્વ ન અનુભવી શકું, દીકરા આરુષનું રૅપ દરેક રીતે સાચું છે. ગુજરાતી છું.. ગુજરાતી રહીશ આ વીડિયો અત્યાર સુધી ઈન્સ્ટાગ્રામમાં 20 હજાર લાઈસ, તો તો ટ્વીટરમાં 6 હજારથી વધૂ લાઈક્સ અને 842 વખત રિટ્વીટ થઈ ચૂક્યો છે.હાલ તો આરુષના આ વીડિયોને લોકો ખૂબ જ પંસદ કરી રહ્યા છે અને આરુષના વખાણ પર કરી રહ્યા છે.