'હર્ષ' ભયો / VIDEO:હર્ષ સંઘવી મંત્રીપદની શપથ લઈ રહ્યા હતા, પરિવાર રડી રહ્યો હતો, જુઓ 'હર્ષ'ના આંસુ

• હર્ષ સંઘવીએ મંત્રી તરીકે શપથ લેતા પરિવારમાં ખુશી
• હર્ષ સંઘવીના માતા, બહેન અને પત્ની રડી પડ્યા ભાવુક દ્રશ્યો
• સૌથી નાની ઉંમરમાં હર્ષ સંઘવી પ્રથમ મંત્રી બનતા પરિવારમાં ખુશી

ગુજરાતના નવા સુકાની ભૂપેન્દ્ર પટેલના નવી ટીમ એટલે કે મંત્રીમંડળનો શપથગ્રહણ યોજાયો. ગુજરાતમાં મુખ્યમંત્રી ભૂપેન્દ્ર પટેલ સહિત 25 સભ્યોનું મંત્રીમંડળ રચાયું...જેમાં 10 કેબિનેટ, 5 સ્વતંત્ર અને 9 રાજ્યકક્ષાના મંત્રીઓ છે. ગુજરાતના નવનિયુક્ત મુખ્યમંત્રી ભૂપેન્દ્ર પટેલની સરકારના મંત્રીમંડળની શપથવિધિ રાજભવન ખાતે યોજાઈ હતી. તેમાં હર્ષ સંઘવીએ મંત્રી તરીકે શપથ લેતા પરિવારમાં ખુશી લાગણી આસું સ્વરૂપે છલકાઈ હતી. જણાવી દઈએ કે નાની ઉંમરમાં જ પોતાના બળે મંત્રી પદ સુધી પહોંચનાર હર્ષ સંઘવી રાજ્ય કક્ષાના સ્વતંત્ર હવાલા મંત્રી બન્યા છે. 8 ઘોરણ ભણ્યા બાદ રાજનીતિમાં પગપેસારો કરી હર્ષ સંઘવી મંત્રી સુધી પહોંચ્યા છે. 

શપથ સાથે પિતાએ આપ્યા આર્શીવાદ
એક તરફ હર્ષ સંઘવીએ મંત્રી તરીકે શપથ લઈ રહ્યા હતા બીજી તરફ પરિવાર હિબકે ચડયો હતો, આ કોઈ દૂ:ખ ના આસું ન હતા પોતાના પુત્ર, પતિ કે ભાઈ મંત્રી પદની શપથ લઈ રહ્યો હતો પરિવાર ટીવી પર એકી ટશે આ દ્રશ્યને નિહાળી રહ્યો હતો. હર્ષ સંઘવીના માતા, બહેન અને પત્નીનો ખુશીનો કોઈ પાર ન હતો. પોતાનો લાડકવાયો મંત્રી બની જતાં દરેકની આખમાં આસું આવી ગયા હતા. માતા, બહેન અને પત્ની રડતા રડતાં હર્ષ સંઘવીની શપથ વિધિ જોઈ રહ્યા હતા. બીજી તરફ હર્ષ સંઘવીના પિતા છાતી ચોડી કરી કહી રહ્યા હતા મારો દીકરો સેવા કરશે.  આમ કહેતા ટીવી પરથી જ હર્ષ સંઘવીને વ્હાલ કરી રહ્યા હતા અને આશીર્વાદ આપી રહ્યા હતા પરિવારના આ ભાવુક દ્રશ્યો જોઈ પરિવાર સાથે ખુશી મનાવવા આવેલા સંબધીઓ પણ હર્ષ સંઘવી મંત્રી બનતા હરખઘેલા થઈ ગયા હતા.

કોણ છે હર્ષ સંઘવી?

• ગુજરાત ભાજપનો યુવા ચહેરો
• સિકલસેલના દર્દીઓ સાથે સામાજિક કાર્ય કર્યું
• ભાજપના સૌથી નાની વયના જનરલ સેક્રેટરી તરીકે કાર્ય કર્યું
• તાપી નદીના શુદ્ધિકરણ માટે કાર્ય કર્યું
• સુરતના મજૂરાથી હાલ ધારાસભ્ય
• કોરોનાકાળમાં દક્ષિણ ગુજરાતઅને ખાસ કરીને સુરતમાં કરેલું સારું કાર્ય ફળ્યું