સોશિયલ મીડિયા / અંબાણી, અદાણી અને ટાટા બધા ઉદ્યોગપતિઓ પર ભારે આ એક બિઝનેસમેન

• સોશિયલ મીડિયા પર ઉદ્યોગપતિઓ પણ સક્રિય
• ઉદ્યોગપતિ હર્ષ ગોયનકા પહેલા નંબર પર
• ગ્લોબલ એનાલિટિક ફર્મ Followerwonkએ જાહેર કરી યાદી

આ લોકો સોશિયલ મીડિયા પર ન માત્ર એક્ટિવ રહે છે પરંતુ પોતાની પોસ્ટ દ્વારા લોકોને જાગરૂક અને મદદ પણ કરતા રહે છે. ગ્લોબલ એનાલિટિક ફર્મ Followerwonkએ દેશના ઉદ્યોગપતિઓને લઇને સોશિયલ ઓથૉરિટી સ્કોરની યાદી જાહેર કરી છે.

આ યાદીમાં હર્ષ ગોયનકા 91 નંબર સાથે પહેલા નંબરે છે. બીજા નંબરે આનંદ મહિન્દ્રા અને તેમણે 87 સ્કોર કર્યો છે. કિરણ મજૂમદાર શૉ 80 નંબરની સાથે ત્રીજા નંબરે, રતન ટાટા 77 નંબર સાથે ચોથા નંબર પર છે, પેટીએમના વિજય શેખર શર્મા 76 પોઇન્ટ સાથે પાંચમા નંબરે, રિષદ પ્રેમજી 76 પોઇન્ટ સાથે છઠ્ઠા નંબરે, 90 પોઇન્ટ સાથે ગૌતમ અદાણી 8માં નંબરે, 70 પોઇન્ટ સાથે ઉદય કોટક 9માં નંબરે અને નંદન નીલેકણિ 68 પોઇન્ટ સાથે 10માં નંપર પર છે. હર્ષ ગોયનકા RPG ગ્રુપના ચેરમેન છે.

સોશિયલ મીડિયા પર સક્રિયતા બતાવે છે

Followerwonkની વેબસાઇટ પર ઉપલબ્ધ માહિતી અનુસાર, સોશિયલ ઓથૉરિટી એ જણાવે છે કે, આ ટ્વિટર પર કેટલા સક્રિય છે. યૂઝર્સની સાથે તેમને સંવાદ કેટલો છે. જો કોઇનો સ્કોર સારો છે તો તેને મતલબ છે કે તેના ટ્વિટનો પ્રભાવ વધુ હોય છે.

મુકેશ અંબાણી દુનિયામાં 11માં સૌથી અમીર

જોકે, નેટ અસેટ્સના મામલે હજુ પણ મુકેશ અંબાણીની નજીક કોઇ નથી. બ્લૂમબર્ગ બિલિનેયર ઇન્ડેક્સ અનુસાર, 77.9 અરબ ડૉલરની સંપત્તિની સાથે મુકેશ અંબાણી 11માં સૌથી અમીર છે. 57.10 અરબ ડૉલરની સંપત્તિ સાથે ગૌતમ અદાણી 21માં નંબરે છે. ત્યારબાદ અજીમ પ્રેમજી 26.8 અરબ ડૉલરની સંપત્તિ સાથે 55માં સ્થાને છે. 25.4 અરબ ડૉલરની સંપત્તિ સાથે શિવ નાડર 62માં સ્થાન પર અને લક્ષ્મી મિત્તલ 18.8 અરબ ડૉલર સાથે 100માં સ્થાન પર છે.