ઝૂલન ગોસ્વામીની છેલ્લી ઇન્ટરનેશનલ મેચ ઈંગ્લેન્ડ સામે હતી. તેને યાદ કરતાં કરતાં કેપ્ટન હરમનપ્રીત કૌર રડી પડી.
ઝૂલન ગોસ્વામીએ ઈંગ્લેન્ડ સામે પોતાની છેલ્લી મેચ રમી
શરૂઆત પણ જીતથી કરી હતી અને અંત પણ જીતથી આવ્યો
ઝૂલનને યાદ કરતાં કેપ્ટન હરમનપ્રીત કૌર રડી પડી
ભારતીય મહિલા ક્રિકેટ ટીમની કેપ્ટન હરમનપ્રીત કૌર માટે શનિવારનો દિવસ ભાવનાઓથી ભરેલો રહ્યો. તેમની કેપ્ટન્સીમાં એક એવી દિગ્ગજએ પોતાની કરિયરની છેલ્લી ઇન્ટરનેશનલ મેચ રમી, જે દુનિયાની સર્વશ્રેષ્ઠ મહિલા ફાસ્ટ બોલરમાં સામેલ છે. નામ છે ઝૂલન ગોસ્વામી. ઝૂલને ઈંગ્લેન્ડ સામે લોર્ડસના મેદાન પર પોતાની છેલ્લી ઇન્ટરનેશનલ મેચ રમી. તેમણે સીરિઝની ત્રીજી અને છેલ્લી વન ડેમાં બે વિકેટ પણ લીધી.
જીતથી શરૂઆત, જીતથી અંત
ઝૂલન ગોસ્વામીએ પોતાની આંતરરાષ્ટ્રીય કરિયરની શરૂઆત જીતથી કરી હતી. દિલચસ્પ છે કે ત્યારે પણ તેમનો મુકાબલો ઈંગ્લેન્ડ સાથે હતો. વર્ષ 2002માં છ જાન્યુઆરીના રોજ ઈંગ્લેન્ડ સામે ચેન્નાઈમાં રમવામાં આવેલ મેચથી ઝૂલને પોતાની કરિયરની શરૂઆત કરી હતી. હવે બે દશકા સુધી ભારતીય મહિલા ક્રિકેટનું પ્રતિનિધિત્વ કરનારી ઝૂલને ઈંગ્લેન્ડ સામે જ છેલ્લી આંતરરાષ્ટ્રીય મેચ રમી.
હરમનપ્રીતે આવી રીતે કર્યું યાદ
મહિલા વન ડે ફોર્મેટમાં સૌથી વધારે બોલ ફેંકનાર ઝૂલન ગોસ્વામીને હરમનપ્રીતે પણ શુભેચ્છા પાઠવી અને અભિનંદન આપ્યા. તેમણે મેચ બાદ કહ્યું કે જ્યારે મેં ડેબ્યૂ કર્યું, તો તે ટીમની કેપ્ટન હતી. મારા સૌથી સારા સમયમાં, ઘણા લોકો મારી સાથે હતા, પણ મારા ખરાબ સમયમાં પણ જો કોઈએ મને સપોર્ટ કર્યો હોય, તો એ ઝૂલન છે. તે માત્ર એક કોલ દૂર છે. હું તેમને ધન્યવાદ આપવા માંગુ છું. તે એક જાણીતી વ્યક્તિ છે. તે હંમેશા મારુ માર્ગદર્શન કરતી હતી.
આવી રહી ઝૂલનની કરિયર
ચકદા એક્સપ્રેસથી ઓળખાતી ઝૂલન ગોસ્વામીએ પોતાની કરિયરમાં 204 વન ડે અને 68 ટી20 ઇન્ટરનેશનલ મેચો ઉપરાંત 12 ટેસ્ટ પણ રમી હતી. તેમના નામે રેકોર્ડ વન ડેમાં 255 અને ટેસ્ટમાં 44 વિકેટ છે. ટી20 આંતરરાષ્ટ્રીય ફોર્મેટમાં તેમણે 56 વિકેટ લીધી છે. તેમણે ટેસ્ટમાં એક વાર હાફ સેન્ચુરી પણ ફટકારી છે.