મહિલા સશક્તિકરણ / શાનદાર જોબ છોડીને 21 વર્ષમાં પોલિટીક્સમાં માંડ્યા ડગ, આમની વર્કિંગ સ્ટાઇલથી મોદી પણ થયા પ્રભાવિત

• હરિયાણાની યંગેસ્ટ સરપંચ
• નોકરી છોડી બની સરપંચ
• મહિલાઓ અનુભવે છે સુરક્ષા

બે ગામની જનસંખ્યા 1200 લોકોની છે. પ્રવીણકૌરની કાર્યશૈલીને જોઇને લોકો કહે છે કે નેતા હોય તો આવી. ગલી ગલીમાં સીસીટીવી છે, સંપૂર્ણ ગામ સોલાર લાઇટ્સથી રોશન છે. ગામમાં વોટર કુલર છે અને લાઇબ્રેરી પણ છે. ગામના બાળકો હિન્દી સિવાય અંગ્રેજી પણ સરસ બોલે છે. 

પ્રવીણ કૌરનુ સપનુ હતુ કે તે એન્જીનીયર બનીને સરસ નોકરી કરે, કોઇ મોટા શહેરમાં રહે પરંતુ જ્યારે તે ગામની હાલત જોતી હતી ત્યારે તેને ગમતુ નહી. 2016ના પંચાયત ઇલેક્શનમાં ગામવાળા ઇચ્છતા હતા કે તેમનો સરપંચ ભણેલો ગણેલો હોય ત્યારે તેમણે પ્રવીણનુ નામ સજેસ્ટ કર્યુ. બાદમાં તે સરપંચ બની. 

પ્રવીણ ઇચ્છતી હતી કે તેમના ગામના બાળકો સારુ ભણે, જેથી તેણે પ્રાઇમરી સ્કુલ ખોલાવડાવી હવે 12 સુધી ભણવાની સુવિધા ગામમાં જ છે. પ્રવીણે કુરુક્ષેણ યુનિવર્સિટીથી બીટેક કર્યુ છે. તેણે ગામમાં ચાલી રહેલી લાજપ્રથાનો વિરોધ કર્યો. લોકોએ તેમની વાત માની અને છોકરીઓ આઝાદીથી જીવતા શીખી ગઇ. 

ગુજરાતના ગાંધીનગરમાં 8 માર્ચ 2017ના રોજ સ્વચ્છ શક્તિ કાર્યક્રમમાં વડાપ્રધાન મોદીએ પ્રવીણનું સન્માન કર્યુ હતુ. આ સન્માન તેમને ગામને ખુલ્લામાં શૌચમુક્ત બનાવવાના પ્રયાસ માટે મળ્યુ હતુ. 

પ્રવીણે જણાવ્યુ કે પહેલા ગામની મહિલાઓ પોતાને અસુરક્ષિત માનતી હતી જેથી સમગ્ર ગામમાં સીસીટીવી લગાવી દીધા અને છોકરીઓને ભણવા માટે પ્રેરિત કરી. પ્રવીણ ખેલકૂદને પણ પ્રોત્સાહન આપી રહી છે. 

હરિયાણાના મુખ્યમંત્રી મનોહર લાલ ખટ્ટર આ યુવા સરપંચના કામથી પ્રભાવિત છે.