2 વર્ષ બાદ હરિયાણા સરકારનું પહેલુ મંત્રીમંડળ વિસ્તરણ મંગળવારે થયું. રાજ્યપાલ બંડારૂ દત્તાત્રેયે બે મંત્રીઓને શપથ લેવડાવ્યા.
હરિયાણા મંત્રીમંડળ વિસ્તરણમાં કેટલાક સમીકરણો પર ધ્યાન
RSS બેકગ્રાઉન્ડ પર ભાર અપાયો, જાટ સમુદાય પર પણ નજર
ખટ્ટર સરકારનું ત્રીજો મંત્રીમંડળ વિસ્તાર છે આ
હરિયાણા સરકારે આજે પોતાના મંત્રીમંડળનું વિસ્તરણ કર્યું છે. બે નવા મંત્રીઓને મંત્રીમંડળમાં સામેલ કર્યો છે. હરિયાણા સરકારે ભાજપના કોટાથી એક અને બીજા જેજેપીના કોટાથી મંત્રીની પસંદગી કરી છે. ભાજપે આરએસએસ બેકગ્રાઉન્ડને ધ્યાનમાં રાખ્યું છે તો જેજેપીએ જાટ સમુદાયના હિતો પર ભાર આપ્યો છે.
ભાજપ તરફથી કમલ ગુપ્તાને મંત્રી બનાવાયા છે તો જેજેપીએ દેવેન્દ્ર બબલીને આગળ કર્યા છે. ગવર્નર હાઉસમાં ભાજપના કમલ ગુપ્તાએ સંસ્કૃતમાં મંત્રી પદના શપથ લીધા છે.
શપથગ્રહણ બાદ દેવેન્દ્રસિંહ બબલી અને કમલ ગુપ્તાએ મુખ્યમંત્રી મનોહર લાલ ખટ્ટર, નાયબ મુખ્યમંત્રી દુષ્યંત ચૌટાલા અને વિધાનસભા અધ્યક્ષ જ્ઞાનચંદ ગુપ્તાનું અભિવાદન કર્યું. નવા મંત્રીઓને વિભાગની સોંપણીને લઇને અન્ય મંત્રી વિભાગોમાં નાના-મોટા ફેરફાર થશે. ભાજપ કોટાના મંત્રીને મોટો વિભાગ મળી શકે છે જ્યારે જજપાના મંત્રીને એક-બે વિભાગ આપવાની ચર્ચા છે.
કોણ છે કમલ ગુપ્તા?
કમલ ગુપ્તાની વાત કરીએ તો તેઓ હિસાર શહેરના ભાજપ ધારાસભ્ય છે. તેઓ વૈશ્ય(વાણિયા) સમાજના મોટા નેતા ગણાય છે. તેમનું RSS બેકગ્રાઉન્ડ રહ્યું છે અને મુખ્યમંત્રી ખટ્ટરના પણ નજીકના માનવામાં આવે છે. આ પહેલા પણ અનેક વખત મંત્રીમંડળની રેસમાં રહ્યા છે, પરંતુ કોઈને કોઇ કારણે તેમનું પત્તુ કપાયું હતું. પરંતુ આ મંત્રીમંડળ વિસ્તરણમાં તેમને પોતાની જગ્યા મળી ગઇ છે.