VIDEO / ભાજપના ઉમેદવારે EVM ને લઇ એવો દાવો કર્યો કે રાજકારણમાં ફેલાયો ગરમાવો

• સોમવારે હરિયાણામાં યોજાશે વિધાનસભાની ચૂંટણી 
• ઉમેદવારનો વીડિયો થયો વાયરલ
• બટન તમે કોઇપણ દબાવો, મત તો કમળને જ જશે 

ભાજપના ઉમેદવાર બક્ષિશ સિંહ વિર્કનો આ વીડિયો ઝડપથી વાયરલ થઈ રહ્યો છે. આ વીડિયો અસંદ વિધાનસભા મત વિસ્તારના એક મેળાવડા દરમિયાનનો હોવાનું કહેવામાં આવી રહ્યું છે. આ વીડિયોમાં બક્ષિશ સિંહે મતદારોને ધમકીભર્યા અંદાજમાં ચેતવણી આપી રહ્યા છે, પરંતુ એમ પણ કહ્યું છે કે ભલે ગમે તે બટન દબાવવામાં આવે, મત ભાજપના ખાતામાં જશે.

બટન કોઇપણ દબાવો મત ભાજપને જ જશે 

हमने EVM में पुर्ज़ा फ़िट कर रखा है।वोट कहीं डालो जाएगा भाजपा को ही।मोदी और खट्टर की नज़र बहुत तेज़ है-बख्शीश सिंह विर्क, वर्तमान विधायक तथा भाजपा प्रत्याशी, असन्ध विधानसभा (हरियाणा)

मोदी जी के विधायक तक को EVM का पता है बस,चुनाव आयोग तो धृतराष्ट्र बना हुआ है। pic.twitter.com/bScbP4OgLi

— Ajay Jha (@Ajay_reporter) October 20, 2019

આ વાયરલ વીડિયોમાં બક્ષિશ સિંહ કહી રહ્યા છે કે, 'જો આજે તમે ભૂલ કરો છો, તો તમને 5 વર્ષ ભોગવવું પડશે. કોને કોને મત આપ્યો છે તે પણ અમે જાણીશું. જો તમે એમ કહો છો, તો હું તમને પણ જણાવીશ. મોદીજી અને મનોહર લાલની આંખો ખૂબ તીક્ષ્ણ છે. તમે તમારો મત ગમે ત્યાં આપો પણ જશે તો કમળને જ . તમે કોઈપણ બટન દબાવો, મત ફૂલ પર જશે. અમે મશીનમાં ભાગો સેટ કર્યા છે. 

વાયરલ વીડિયોને ઉમેદવારે ગણાવ્યો ખોટો 

એટલે કે, ભાજપના ઉમેદવાર બક્ષિશ સિંહ વિર્ક લોકોને સ્પષ્ટ જણાવી રહ્યા છે કે તેમણે ઇવીએમમાં (EVM)  આવું સેટિંગ ગોઠવેલ છે, જેના દ્વારા તેઓ કોઈપણ પક્ષને મત આપવા છતાં ભાજપના ખાતામાં જશે. જોકે, આ વાયરલ વીડિયોને બક્ષિશ સિંહએ ખોટો ગણાવ્યો છે. તેણે કહ્યું છે કે વીડિયોમાં ચેડાં કરવામાં આવ્યા છે.

વીડિયો બન્યો ચર્ચાનો વિષય 

તમને જણાવી દઈએ કે વિર્કનું આ નિવેદન પણ આશ્ચર્યજનક છે કારણ કે તમામ વિરોધી પક્ષો ભાજપ પર ઈવીએમ પર ચેડાં કરવા અને ઈવીએમ પર ચૂંટણી જીતવાનો આરોપ લગાવી રહી છે. આવી સ્થિતિમાં 21 ઓક્ટોબરે મતદાન યોજાઈ રહ્યું છે તે પૂર્વે ભાજપના ઉમેદવારનો આ વીડિયો ઇવીએમને લઇને ચર્ચાનો વિષય બન્યો છે.