રેસલિંગ / જે હાથ લકવાગ્રસ્ત હતો તે જ હાથનાં દમથી ઓલમ્પિક મેડલ વિજેતાને હરિયાણાની પહેલવાને હરાવી

• 2 વર્ષ સુધી સોનમનો જમણો હાથ લકવાગ્રસ્ત રહ્યો હતો
• હાર બાદ ઓલંમ્પિક મેડલ વિજેતાની આંખોમાં આંસુ આવી ગયા
• 60 કિલોની વજન કેટેગરીમાં ઓલંમ્પિક વિજેતા હરિયાણાની પહેલવાન સામે હારી ગઈ

દેશની મોખરાની ખેલાડીઓને દાવપેચ અજમાવ્યા હતા
લડામદામાં સ્થિત મનોરમા ઈન્સ્ટિટ્યૂટ ઓફ મેનેજમેન્ટ એન્ડ ટેક્નોલોજીમાં સિનિયર મહિલા રેસલિંગ ચેમ્પિયનશિપમાં દેશની દેશની મોખરાની ખેલાડીઓએ પણ દાવ પેચ અજમાવ્યા હતા. જેમાં સૌની નજર રિયો ઓલમ્પિકમાં કાંસ્ય પદક મેળવનાર પહેલવાન પર હતી. જેણે રેલવે તરફથી ભાગ લીધો હતો.

પહેલી ત્રણ મેચો આસાનીથી જીતી ગઈ
60 કિલોની વજન કેટેગરીમાં રમી રહેલ સાક્ષી મલિકે તેની પહેલી પ્રી-ક્વાર્ટર મેચ ગુજરાતની જ્યોતિ ભદોરિયા સામે રમી હતી. 6 મિનિટની આ મેચમાં શાનદાર પ્રદર્શન આપીને સાક્ષીએ જ્યોતિને હરાવી હતી. ત્યારબાદ ક્વોર્ટર ફાઇનલ મેચમાં મધ્ય પ્રદેશનની પુષ્પાને 4-0થી હરાવી હતી. સેમિફાઇનલમાં દિલ્હીની અનિતાને 10-0 સાથે મોટા અંતરે હરાવી હતી.

લકવાને કારણે સ્ટેટ ચેમ્પિયનશિપ છોડી
ફાઇનલ મેચની રોમાંચક શરુઆત થઈ. સાક્ષી મલિક અને હરિયાણાની પહેલવાન સોનમ દાવપેચ અજમાવી રહ્યાં હતા. ધીમે ધીમે મેચ સોનમનાં પલડામાં જઈ રહી હતી અને છેલ્લે ફાઇનલ સ્કોરમાં સોનમે સાક્ષીને 7-4થી હરાવી દીધી હતી. હાર બાદ સાક્ષી મલિકની આંખો ભીન થઈ ગઈ હતી. જે હાથનાં દમ પર સોનમે સાક્ષી મલિકને હાર આપી તે હાથ બે વર્ષ પહેલા લકવાગ્રસ્ત હતો અને તેજ હાથનાં દમ પર સોનમે સાક્ષીને હરાવી હતી. 2017માં વર્લ્ડ ચેમ્પિયનશિપ જત્યા બાદ સોનમનાં જમણા હાથમાં મુશ્કેલી આવી હતી અને 2018માં સ્ટેટ ચેમ્પિયનશિપ દરમિયાન તેનો એ હાથ લકવાગ્રસ્ત થયો હતો અને તે ટૂર્નામેન્ટ વચ્ચે જ છોડવો પડ્યો હતો.

 
ઓલંમ્પિક પદક વિજેતાને ટ્રાયલમાં પણ હરાવી હતી
ઓલંમ્પિક પદક વિજેતા સાક્ષી મલિકને હરાવ્યા બાદ વિજયી પહેલવાન સોનમે કહ્યું કે, તેનાં માટે આ ખૂબ જ ખુશીની બાબત છે. સોનમે સાક્ષીને ટ્રાયલમાં પણ હરાવી હતી. સોનમે તેની જીતનું શ્રેય તેણે તેનાં માતા-પિતા અને કોચને આપ્યું હતું. સોનમે ક્વોર્ટર ફાઇનલમાં હરિયાણાની મનિષાને હરાવી હતી અને સેમિફાઇનલમાં મહારાષ્ટ્રની ભાગ્યશ્રીને 11-0થી હરાવી હતી.