સંડીલા સ્થિત બંધન બેંકનાં મેનેજર સુરેશ કુમાર અને બાંગરમઉ સ્થિત બંધન બેંકની પરિણીત બેંક મેનેજર અનિતાની વચ્ચે લાંબા સમયથી પ્રેમ પ્રકરણ ચાલી રહ્યું હતું. બંને એકસાથે પરિવારથી દૂર પોતાની દુનિયા વસાવવા ઇચ્છતા હતાં જેના કારણે તેમણે ગ્રાહકોનાં લાખો રૂપિયા લઇ ફરાર થયાં.
બેંકનાં મેનેજર 13 લાખની રોકડ લઇ થયાં ફરાર
બંધનબેંકનાં 2 પ્રેમી મેનેજર થયાં ગાયબ
પોલીસે દેહરાદૂનમાંથી કરી ધરપકડ
ઉત્તરપ્રદેશ : હરદોઇ જિલ્લામાં બંધન બેંકનાં બે મેનેજર્સનાં પ્રેમનો નવો પ્રસંગ સામે આવ્યો છે. માહિતી અનુસાર બેંક મેનેજર ગ્રાહકોનીં 13 લાખ રૂપિયાની રકમ લઇને ફરાર થઇ ગયાં. પરિવારજનોએ તેમના ગાયબ થવાની ફરિયાદ નોંધાવ્યા બાદ પોલીસની ટીમે મેનેજરની શોધખોળ શરૂ કરી. ઉત્તરાખંડનાં દેહરાદૂનમાં આ બેંક મેનેજર એક પરિણીત સ્ત્રીની સાથે પકડાઇ ગયો. પૂછપરછ કરતાં જાણવા મળ્યું કે મહિલા પણ બંધન બેંકની જ મેનેજર છે.
બેંક મેનેજર સુરેશકુમાર થયાં ફરાર
સંડીલા કોતીવાલામાં સ્થિત બંધન બેંકનાં બેંક મેનેજર સુરેશ કુમાર 2 નવેમ્બરથી ગાયબ હતાં. બેંકની સ્ટેટમેન્ટ તપાસતાં જાણવા મળ્યું કે આશરે 13 લાખ રૂપિયાથી વધુ નાણું બેંકથી ગાયબ છે. પરિવારજનોએ કોતવાલીમાં તેમના ગાયબ થવાની ફરિયાદ નોંધી. પોલીસની ટીમ મેનેજરની તપાસમાં લાગી ગઇ. મોબાઇલ ફોન બંધ હોવા છતાં પોલીસને તેમનું લોકેશન દેહરાદૂનમાં મળી આવ્યું. પોલીસે મેનેજરને 13 લાખ રૂપિયાની સાથે પકડ્યાં.
લાંબા સમયથી ચાલી રહ્યો હતો પ્રેમ પ્રકરણ
સંડીલા સ્થિત બંધન બેંક મેનેજર સુરેશ કુમાર અને બાંગરમઉ સ્થિત બંધન બેંકની મેનેજર કે જે પરિણીત છે તે બંને વચ્ચે લાંબા સમયથી પ્રેમ પ્રકરણ ચાલી રહ્યું હતું. બંને એકસાથે પરિવારથી દૂર પોતાની નવી દુનિયા વસાવવા માંગતા હતાં જેના લીધે સુરેશ કુમારે ગ્રાહકોનાં 13 લાખ રૂપિયા જેટલી રકમ લઇ ફરાર થયાં હતાં.