હાર્દિકે કહ્યું કે મહેસૂલ ખાતું ભ્રષ્ટ છે તે અહીં સાબિત થાય છે જાણો સમગ્ર મામલો

જર જમીન અને જોરું ત્રણેય કજિયાના છોરું છે અને કાયમ રહેવાના પરંતુ જ્યારે વાત જમીનની હોય અને જનહિત વિરુદ્ધ સરકારની તેમાં સંડોવણી હોય કે કોઈને જમીન પધરાવી દેવાનો કારસો ઘડાતો હોય તો જનતામાંથી અવાજ ઉઠે તે સ્વાભાવિક છે. ઠીક આવી જ રીતે રાજકોટ જિલ્લાન પડધરી તાલુકાના ઈશ્વરીયા ગામે ગૌચર જમીનમાંથી થોડો હિસ્સો એજ્યુકેશન ટ્રસ્ટને ફાળવાનો નિર્ણય લેવાયો તો ગ્રામજનો જાગી ગયા અને સરકારના નિર્ણય વિરુદ્ધ મોરચો માંડી દીધો.

વાત એમ છે કે પડધરી તાલુકાના ઇશ્વરિયા ગામના ગૌચરની જમીન સરવે નં.248 પૈકીમાંથી 10 એકર જમીન સવજીભાઇ કોરાટ એજ્યુકેશન ટ્રસ્ટને 8-12-2014ના ઠરાવથી ફાળવવામાં આવેલી છે. જે ફાળવણી અંગે ગ્રામપંચાયત અને ગ્રામજનોએ લેખિતમાં વાંધો ઉઠાવ્યો હતો છતાં ટ્રસ્ટને જમીનની ફાળવણી કરી દેવામાં આવી છે. આ માટે સરપંચ કે ગ્રામપંચાયતને પણ વિશ્વાસમાં લેવામાં આવ્યા ન હતા. જે અંગે અધિક સચિવ મહેસૂલ વિભાગ અને કલેક્ટર તંત્રને અનેક ફરિયાદો કર્યા બાદ કોઈ નિવેડો ન આવ્યો તો ગ્રામજનોએ લડતના મંડાણ કરી દીધાં છે અને જ્યાં સુધી આ પ્રશ્નનું નિરાકરણ ન આવે ત્યાં સુધી લડી લેવાનો નિર્ધાર કર્યો હતો.

ઈશ્વરિયા ગામની ગૌચરની 10 એકર જમીન સવજીભાઈ કોરાટ એજ્યુકેશન એન્ડ ચરિટેબલ ટ્રસ્ટને કલે~ટર દ્વારા ફાળવી દેવામાં આવી છે. સરકારના આ પગલાને ગ્રામજનોએ નિયમ વિરુદ્દ ગણાવ્યો હતો. જમીન ટ્રસ્ટને આપતાં પહેલા ગામના સરપંચને પણ વિશ્વાસમાં લેવામાં આવ્યા ન હતા. ગામના લોકોની મંજૂરી વિના કલેક્ટરે ગૌચરની જમીન ટ્રસ્ટને ફાળવી દીધી છે. ત્યારે કલેક્ટરની સાથે-સાથે સરકાર સામે પણ આંગળી ચિંધાઈ રહી છે. 

ગ્રામજનોના આ આંદોલનને પાસ કન્વીનર હાર્દિક પટેલનો પણ સપોર્ટ મળ્યો છે. હાર્દિક પટેલે ગ્રામજનોની મુલાકાત લેઈને સરકાર પર પ્રહાર કર્યા હતા. હાર્દિકે કહ્યું કે મહેસુલ ખાતુ ભ્રષ્ટ છે. તે અહી સાહિત થાય છે. રાજ્યમાં એક તરફ ગૌચરન જમીન કોઈને કોઈ કોઈ નિયમ અને કાયદાની આડમાં મળતીયાઓને ખેરાત કરી દેવામાં આવી રહી છે પછી સરકાર ઘાસચારાની ચિંતા કરે છે. ગાય માતા અને ગૌવંશની ચિંતા કરે છે. જે તેમની બેવડાં ધોરણો દર્શાવે છે.

શિક્ષણના નામે સહુને અંધારમાં રાખીને જમીન પડાવી લેવામાં તંત્ર અને સરકારની મિલિભગત સામે આવી છે. સરકાર નિયમો આગળ ધરે છે પરંતુ ગૌચર નહીં હોય તો ખેડૂતો અને માલધારીઓની શું હાલત થશે તેની ચિંતા સરકારને ચૂંટણી પછીના દિવસોમાં ક્યારેય થતી નથી. જેના કારણે આજે ગામલોકોએ સરકારના નિર્ણયો સામ બાંયો ચડાવવી પડે તેવી સ્થિતિ ઊભી થઈ છે.