ગુજરાતમાં AAPની એન્ટ્રીથી રાજકારણ ગરમાયું, હાર્દિક પટેલે કહ્યું કે, AAP ભાજપની B ટીમ તો ભાજપ નેતા ભરત ડાંગરે કહ્યું કે, AAP-કોંગ્રેસ એક જ ટીમ છે
B ટીમ મામલે રાજકારણ ગરમાયું
કોંગ્રેસ-AAP આમને સામને
કોંગ્રેસ-AAP એકસાથે છે: ભાજપ
ગુજરાતમાં આમ આદમી પાર્ટીની ગુજરાતમાં એન્ટ્રીથી રાજનીતિ તેજ બની છે. ત્યારે B ટીમને લઈને રાજકારણ ગરમાયું છે. ભાજપની B ટીમ મામલે કોંગ્રેસ અને આમ આદમી પાર્ટી બંને એકબીજા પર આક્ષેપો કરી રહ્યા છે. હાર્દિક પટેલે કહ્યું કે, AAP ભાજપની B ટીમ છે. તો ભાજપ નેતા ભરત ડાંગરે કહ્યું કે, AAP-કોંગ્રેસ એક જ ટીમ છે. જે બાદ ગોપાલ ઈટાલિયાએ જવાબ આપ્યો છે.
ગોપાલ ઈટાલિયાએ કહ્યું કે, જે લોકો કોંગ્રેસ પ્રદેશ પ્રમુખની દાવેદારીની લાઈનમાં ઉભા છે. તે લોકો આ પ્રકારના નિવેદન કરી રહ્યા છે. અને કોંગ્રેસના અનેક નેતાઓએ AAPને ભાજપની B ટીમ હોવાનો આક્ષેપ કરી ચૂક્યા છે. અને રાહુલ ગાંધીની નજરમાં આવવા માટે કોંગ્રેસના નેતાઓ આવું કરતા હોઈ શકે. સાથે ઈટાલિયાએ કોંગ્રેસ પાર્ટીના અસ્તિત્વને જ નકારી દીધા હતા. ઈટાલિયાએ કહ્યું કે, લોકોએ જ જેમને ડબ્બામાં નાખી દીધા છે. તેવી પાર્ટીના નેતાઓના નિવેદનને અમે ધ્યાનમાં લેતા નથી. અમારી લડત માત્ર ભાજપ વિરુદ્ધ છે.
હાર્દિક પટેલે AAPને ભાજપની B ટીમ ગણાવી
થોડા દિવસો અગાઉ હાર્દિક પટેલ આમ આદમી પાર્ટીમાં જોડાશે. તેવા સમાચાર ફેલાયા હતા. જે બાદ હાર્દિક પટેલે ખુલાસો કરવાની ફરજ પડી હતી. આમ આદમી પાર્ટીમાં જોડાવવાને લઇને હાર્દિક પટેલે સ્પષ્ટતાા કરી દીધી છે. કહ્યું છે કે જ્યાં છું ત્યાં બરાબર છું. સાથે જ હાર્દિક પટેલે કહી દીધું કે, આમ આદમી પાર્ટી ભાજપની ટીમ B છે. બસ આ નિવેદન બાદ હવે રાજનીતિ તેજ થઇ છે.
ભાજપ નેતા ભરત ડાંગરે કહ્યું કે, કોંગ્રેસની B ટીમ છે AAP
તો આ તરફ વડોદરા ભાજપના નેતા ભરત ડાંગરે પણ AAP અને કોંગ્રેસ પાર્ટીને લઈ નિવેદન આપ્યું છે. ભરત ડાંગરે કહ્યું કે, દિલ્હીમાં સૌ પ્રથમ કોંગ્રેસના સમર્થનથી AAPની સરકાર બની હતી. સૌ કોઈ જાણે છે કે, AAP અને કોંગ્રેસ વચ્ચે ઈલુ-ઈલુ ચાલી રહ્યું છે. સાથે એવો પણ દાવો છે કે, કોંગ્રેસના ધારાસભ્યો AAPના સંપર્કમાં છે. અને આજ દર્શાવે છે કે, AAP અને કોંગ્રેસ એક સાથે જ છે.