નારાજગી / 'જે હોદ્દાનો મતલબ નથી તેને શા માટે રાખવો', ટ્વિટર પરથી કોંગ્રેસ શબ્દ હટાવ્યા બાદ હાર્દિક પટેલના નિવેદનથી ખળભળાટ 

• ટ્વીટર પરથી કોંગ્રેસનો હોદ્દો હટાવવા મુદ્દે હાર્દિકની સ્પષ્ટતા
• જે હોદ્દાનો મતલબ નથી એને શા માટે રાખવુ ? : હાર્દિક પટેલ
• ખાલી ખાલી હોદ્દો લખવાનો કોઈ મતલબ નથી: હાર્દિક પટેલ

ચૂંટણી આવી રહી છે એટલે રાજકીય સ્ટંટો અને દેખાવો શરૂ થઈ જવાના. તેમાં પણ હાર્દિક પટેલ તો છેલ્લા એક મહિનાથી કોંગ્રેસથી નારાજ હોવાનો સ્ટંટ મીડિયા સામે કરી રહ્યો છે.તેવામાં પહેલા તેના પિતાની પુણ્યતિથી પર કોંગ્રેસના નેતાઓની સાથે ભાજપના નેતાઓને પણ આમંત્રણ આપ્યું હતું તેમાં ભાજપના નેતાઓ સાણી રીતે કાર્યક્રમથી દૂરી બનાવી રાખી હતી. જે બાદ બીજી તરફ આજે હાર્દિક પટેલે ટ્વીટર એકાઉન્ટ પરથી કોંગ્રેસ શબ્દનો ઉલ્લેખ હટાવી દેતા હજુ પણ હાર્દિક પટેલ કોંગ્રેસથી નારાજ ચાલી રહ્યો હોય તેવુ સ્પષ્ટ દેખાઈ રહ્યું છે. અગાઉ કોંગ્રેસ કાર્યકારી અધ્યક્ષનો ટ્વીટર એકાઉન્ટમાં ઉલ્લેખ હતો જેને હવે હાર્દિકે દૂર કરી દીધો છે.

હોદ્દાનો મતલબ નથી તેને રાખીને શું કામ: હાર્દિક પટેલ
ટ્વીટર પરથી કોંગ્રેસનો હોદ્દો હટાવવાને લઇને હાર્દિક પટેલની સ્પષ્ટતા પણ સામે આવી છે. હાર્દિક પટેલની VTV સાથેની ટેલિફોનિક વાત દરમિયાન કહ્યું છે કે જે હોદ્દાનો મતલબ નથી તેને શા માટે રાખવો જોઈએ. ખાલી ખાલી હોદ્દો લખવાનો કોઈ મતલબ નથી તેવો મત વ્યક્ત કર્યો હતો

જીગ્નેશ મેવાણીના  આવકાર કાર્યક્રમના પોસ્ટરમાંથી બાદબાકી
હાર્દિક પટેલ કેટલાક સમયથી કોંગ્રેસ વિરુદ્ધ બફાટ કરી રહ્યો હતો. પક્ષમાં તેની નારાજગીની હદ દિવસેને દિવસે વધતી જઈ રહી હતી.ત્યારે અસમની જેલથી પરત ફરેલા ધારાસભ્ય જીગ્નેશ મેવાણીના આવકાર કાર્યક્રમના પોસ્ટરમાંથી હાર્દિકનો ફોટા ગાયબ થયો છે.કોંગ્રેસના પોસ્ટરમાં હાર્દિક સિવાય મોટા નેતાઓના ફોટા જોવા મળતા અનેક અટકળોનો ઉદ્ભવ થયો છે.ત્યારે ફરી એકવાર એ ચર્ચાએ જોર પકડ્યું છે કે હાર્દિક પટેલ કોંગ્રેસ સાથે છેડો ફાડવા જઈ રહ્યો છે.અગાઉ કેટલાક કાર્યક્રમોમાં હાર્દિક કોંગ્રેસના ખેસ વગર પણ જોવા મળ્યો હતો

• શું હાર્દિક પટેલ કોંગ્રેસ છોડી શકે છે ? 
• હાર્દિકે ટ્વીટમાં કોગ્રેસ હટાવતા અટકળો તેજ 
• હાર્દિક પટેલે છેલ્લા કેટલાક દિવસથી કોંગ્રેસથી છે નારાજ 
• હાર્દિકની સામે કોંગ્રેસનો પણ વળતો પ્રહાર 
• કોંગ્રેસે પોતાના બેનરમાંથી હાર્દિક પટેલનો ફોટો હટાવ્યો 
• આવતી કાલે જિગ્નેશ મેવાણીને આવકારમાં ફોટો ગાયબ

કોંગ્રેસ નેતાના ગોળ ગોળ જવાબ
હાર્દિક પટેલના ટ્વીટર પરથી કોંગ્રેસનો હોદ્દો હટાવવાનો મામલે કોંગ્રસના મુખ્ય પ્રવક્તા મનીષ દોશીની પ્રતિક્રિયા સામે આવી છે. હાર્દિક પટેલના ટ્વિટરના ફોટોમાં પંજાનું નિશાન છે તેવુ તેમણે જણાવતા કહ્યું હતું કે કેટલું લખવું ન લખવું એ એમનો વિષય છે. હાર્દિક કોંગ્રેસ સાથે સત્તાવાર છે. કોણે પિક્ચર ઘટાડયું, કે વિગત ઘટાડી એ મહત્વનું નથી. મોંઘવારી અને શિક્ષણ સહિતના મુદ્દાઓ પર ચર્ચા વધુ મહત્વની છે. કોંગ્રેસમાં શુ ચાલે છે એ બાબતને લઈને માધ્યમો વધુ રસ લે છે. તેલના ડબ્બાના ભાવ વધારા માંથી રાહત મળે એ વધુ જરૂરી એ સિવાય પાણીના મુદ્દાને લઈને લઈ પરેશાની પર ચર્ચા થવી જરૂરી છે.

હાર્દિક પટેલના અને અન્ય સાથીદારો સામેના કેસમાં આજે શું થયું?
પાટીદાર આંદોલન સમયે પાટીદારો સામે થયેલા કેસ પરત ખેંચવા મુદ્દે આજે કોર્ટમાં સુનાવણી હાથ ધરાવવાની છે. રાજ્ય સરકારે કેસ પરત ખેંચવા કોર્ટમાં અરજી કરી હતી. જોકે, કેસ પરત ખેંચવાની અરજી મેટ્રો કોર્ટે ફગાવી દીધી હતી. આજે હાર્દિક પટેલ સહિત 21 લોકોને કોર્ટમાં હાજર રહેવા આદેશ કર્યો છે. વર્ષ 2017માં થયેલા પાટીદાર અનામત આંદોલનનો સમયે હાર્દિક પટેલ સહિત 21 લોકો સામે રામોલ પો.સ્ટેશનમાં ગુનો નોંધાયો હતો. કેસ પરત ખેંચવાની અરજી મુદ્દે કોર્ટમાં સુનાવણી થઇ. હાર્દિક સહિત 21 સામે કેસ પરત ખેંચવા મૂદદે કોર્ટમાં સુનાવણી થઇ. 9 મે એ કોર્ટ સેશન્સ કોર્ટ ચુકાદો આપી શકે છે. રાજ્ય સરકારે તમામ સામે કેસ પરત ખેંચવા અરજી કરી છે. ત્યારે મેટ્રો કોર્ટે અરજી ફગાવતા સેશન્સ કોર્ટમાં અરજી થઇ છે. વર્ષ 2017માં રામોલમાં તોડફોડ કેસ મૂદ્દે હાર્દિક સહિત 21 લોકો સામે ગુનો નોંધાયો હતો.