કોંગ્રેસ નેતા હાર્દિક પટેલે નવા મંત્રમંડળ મુદ્દે ભાજપ પર કટાક્ષ કરતા કહ્યું કે ભાજપ સરકાર લોકોને ગેરમાર્ગે દોરે છે જનતાએ હવે ભાજપ માટે નો-રિપીટ થિયરી નક્કી કરી છે.
નવા મંત્રીમંડળ મુદ્દે હાર્દિક પટેલની પ્રતિક્રિયા
લોકોને ગેરમાર્ગે દોરે છે ભાજપ: હાર્દિક
જનતા ભાજપને નહીં કરે રિપીટ: હાર્દિક
આજે ભાજપના ધારાભ્યો મંત્રી પદ માટે શપથ લેવાના છે ત્યારે ભાજપ દ્વારા નો રિપીટ થિયરી નક્કી કરવામાં આવી છે જેને લઈ કોંગ્રેસ નેતા હાર્દિક પટેલે ભાજપ પર પ્રહાર કર્યા છે હાર્દિક પટેલે નવા મંત્રમંડળ મુદ્દે ભાજપ પર કટાક્ષ કરતા કહ્યું કે ભાજપ સરકાર લોકોને ગેરમાર્ગે દોરે છે જનતાએ હવે ભાજપ માટે નો-રિપીટ થિયરી નક્કી કરી છે.
નવા મંત્રીમંડળ મુદ્દે હાર્દિક પટેલની પ્રતિક્રિયા
મહત્વનું છે કે આજે નવા મંત્રીમંડળનો શપથ સમારોહ યોજાનાર છે જેમાં જુના જોગીઓને પડતા મુકી નવા ચહેરાઓને સ્થાન આપવામાં આવ્યું છે. નવા મંત્રી મંડળમાં 7 પાટીદાર મંત્રીઓને સમાવવામાં આવ્યા છે તેમજ ઓબીસી સમાજના કુલ 6 મંત્રીઓને સ્થાન મળ્યું છે. સાથે જ ક્ષત્રિય સમાજના 2 અને દલિત સમાજના 2 મંત્રીઓને ભાજપ મોવડી મંડળે મંત્રીમંડળ સ્થાન આપ્યું છે અને આદિવાસી સમાજના 4 જયારે જૈન સમાજમાંથી 1 મંત્રી સ્થાન મળ્યું છે
લોકોને ગેરમાર્ગે દોરે છે ભાજપ: હાર્દિક પટેલ
કોંગ્રેસ નેતા હાર્દિક પટેલે નો રિપીટ થિયરીને લઈ પ્રતિક્રિયા આપતા કહ્યું કે ભાજપ લોકોને ગેરમાર્ગે દોરે, હવે જનતાએ ભાજપને માટે નો રિપીટ થિયરી નક્કી કરી છે. મહત્વનું છે કે કોંગ્રેસમાંથી ભાજપમાં આવેલા મંત્રીઓમાં પણ નો રિપિટેશનના નિર્ણય લેવામાં આવતા મંત્રી પદ ગુમાવવાનો વારો આવ્યો છે. કોંગ્રેસમાંથી ભાજપમાં આવેલા મોટા ભાગના ધારાસભ્યો હાલની સરકારમાં મંત્રી પદ ફિક્સ કરી બેઠા છે પરતું તેમનું પણ પત્તુ કપાઈ જતા તેઓ માત્ર ધારાસભ્ય જ બનીને રહી ગયા છે જેને લઈ કેટલાક નેતાઓના સમર્થકોમાં નારાજગી પણ જોવા મળી રહી છે.
જનતા ભાજપને નહીં કરે રિપીટ: હાર્દિક
આગામી 2022માં ગુજરાત વિધાનસભાની ચૂંટણીઓ યોજાનાર છે ત્યારે જનતાએ ભાજપ માટે નો રિપીટ થિયરી અપનાવી છે તેવું હાર્થિક પટેલે જણાવ્યું છે, વિધાનસભાની ચૂંટણીમાં રણનીતિની ભાગ રૂપે ભાજપ દ્વારા મુખ્યમંત્રીથી લઈને મંત્રી મંડળમાં એકાએક ફેરફાર કરી દેતા રાજકારણમાં પણ ગરમાવો આવી ગયો છે. જો બીજી તરફ આગામી વિધાનસભાની ચૂંટણીને લઈ કોંગ્રેસથી લઈને આમ આદમી પાર્ટી પણ હરકતમાં આવી ગઈ છે અને વિધાનસભાની ચૂંટણીઓને લઈ અત્યારથી રણનીતિ તૈયાર કરવામાં લાગી ગઈ છે.