બિહારના લેફ્ટ નેતા કન્હૈયા કુમાર અને વડગામના અપક્ષ ધારાસભ્ય જિગ્નેશ મેવાણી કોંગ્રેસમાં જોડાવાના મુદ્દે ગુજરાત કોંગ્રેસના કાર્યકારી અધ્યક્ષ હાર્દિક પટેલે પ્રતિક્રિયા આપી છે.
કન્હૈયા કુમાર અને જિગ્નેશ મેવાણી કોંગ્રેસમાં જોડાશે
ગુજરાત કોંગ્રેસના કાર્યકારી અધ્યક્ષ હાર્દિક પટેલે આપી પ્રતિક્રિયા
હાર્દિકે કહ્યું, બન્ને યુવા નેતાઓ કોંગ્રેસને યુવાનો સાથે જોડશે
જિગ્નેશ મેવાણી અને કન્હૈયા કુમાર જેવા યુવા નેતાઓ કોંગ્રેસમાં સામેલ થઈ રહ્યાં છે ત્યારે આ મુદ્દે પ્રતિક્રિયા આપતા ગુજરાત કોંગ્રેસના કાર્યકારી અધ્યક્ષ હાર્દિક પટેલે જણાવ્યું કે જિગ્નેશ મેવાણી અને કન્હૈયા કુમાર જેવા યુવા નેતાઓ કોંગ્રેસને યુવાનો સાથે છોડવાનું કામ કરશે. પટેલે કહ્યું કે છેલ્લા પાંચ વર્ષમાં અમે ખેડૂતો, બેરોજગારી સહિતના ઘણા મુદ્દે અવાજ ઉઠાવતા રહ્યાં છે.
આ બન્ને નેતાઓ કોંગ્રેસમાં સામેલ થયા બાદ પાર્ટી વધારે મજબૂત બનશે
તેમણે કહ્યું કે મેવાણી અને કુમાર આંદોલનના મારા સાથી રહ્યાં છે અને અમે બેરોજગારી સહિતના ઘણા મુદ્દા ઉઠાવ્યાં હતા. અમે સતત અવાજ ઉઠાવતા રહ્યાં છીએ. આ બન્ને નેતાઓ કોંગ્રેસમાં સામેલ થયા બાદ પાર્ટી વધારે મજબૂત બનશે.
કુમાર અને મેવાણી કોંગ્રેસમાં જોડાશે, પાર્ટી ઓફિસમાં સ્વાગતમાં લાગ્યા પોસ્ટર
ઉલ્લેખનીય છે કે થોડા સમયમાં જિગ્નેશ મેવાણી અને કન્હૈયા કુમાર કોંગ્રેસમાં સામેલ થઈ રહ્યાં છે. કોંગ્રેસ મુખ્યાલયમાં તેમના સ્વાગતમાં મોટો મોટા પોસ્ટરો પણ લાગ્યા છે. કોંગ્રેસ પણ આ બન્ને યુવા નેતાઓને પાર્ટીમાં સામેલ કરવા થનગની રહી છે. આ પ્રસંગે રાહુલ ગાંધી ખાસ હાજર રહે તેવી સંભાવના છે.