સૌરાષ્ટ્ર-ગુજરાતના ખેડૂતો કમોસમી વરસાદથી પાક ને થયેલા નુકસાન અને પાક વિમાની રકમ ના મળવાથી અનેક સમસ્યાઓથી પરેશાન છે, અગાઉ કોંગ્રેસની સરકાર વખતે રસ્તા પર ઉતરી આંદોલન કરનારા કિસાન સંઘના તેનો હાલ ખેડૂતો મુશ્કેલીમાં છે ત્યારે ક્યાં ખોવાઈ ગયા છે ?
હાર્દિક પટેલ ફરી ફૂંકશે આંદોલનનું રણશિંગુ
બુધવારથી રાજકોટથી શરૂ કરશે આંદોલન
આવો સવાલ યુવા નેતા હાર્દિક પટેલે કર્યો છે, ગત તા. 5 ના રોજ હાર્દિકે કિસાનો ના પ્રશ્નો અંગે સરકારને એક સપ્તાહની મહેતલ આપી હતી એ દરમિયાન સરકાર અને વીમા કંપનીઓ તરફથી કોઈ ઠોસ પગલાં ન લેવાતા હાર્દિક આવતીકાલથી રાજકોટ જિલ્લાના પડધરીથી આંદોલન શરુ કરી રહ્યો છે.
વીમા કંપનીઓને ચીમકી
હાર્દિક પટેલે આજે સવારે એક વિડીયો જાહેર કરી ખેડૂતના મુદ્દે વીમા કંપનીઓને આડે હાથ લીઘી હતી, હાર્દિકે એવી ચીમકી આપી હતી કે પાક વીમાની રકમ ખેડૂતોને ચુકવવામાં વીમા કંપનીઓ વિલંબ કરી રહી છે.
હાર્દિક પટેલની બિન રાજકીય લડાઇ
વીમા કંપનીઓમાં અભિમાન આવી ગયું છે વીમા કંપનીઓ પણ સમજી લે જો ખેડુને પરેશાન કરવામાં આવ્યા તો વીમા કંપની ને પણ તાળા લાગી જશે. અમે ખુડૂતોની લડાઈ કોઈ રાજકીય બેનર હેઠળ નહીં પણ બિન રાજકીય લડી રહ્યા છીએ.
ખેડૂતોનું હિત ઇચ્છતા નેતાઓને આવકાર્યા
આ સાથે જ હાર્દિકે વધુમાં કહ્યું હતું કે, કોંગ્રેસના રાજકોટ જિલ્લાના નેતાઓ અમારી સાથે જોડાઈ રહ્યા છે. ભાજપના નેતાઓ પણ જો તેઓ ખેડૂતોનું હિત ઇચ્છતા હોય તો જોડાઈ શકે છે. સરકાર સામે અવાજ ઉઠાવવા યુવાનો-ખેડૂતો આગળ આવે.