હાઈકોર્ટે અરજી ફગાવી દેતા હાર્દિક પાસે જુઓ કયા વિકલ્પો બચ્યા છે?

અમદાવાદ : છેલ્લા કેટલકાય સમયથી હાર્દિક પટેલ ચૂંટણી લડી શકશે કે નહી તે ચર્ચાનો વિષય હતો ત્યારે આજે હાઇકોર્ટે આ મુદ્દે ચુકાદો આપ્યો છે. ગુજરાત હાઇકોર્ટે બન્ને પક્ષની દલીલો સાંભળ્યા બાદ હાર્દિક પટેલની અરજી ફગાવી દીધી છે. 



જેને લઈને હવે હાર્દિક પટેલ આગામી લોકસભાની ચૂંટણી નહી લડી શકે. મહત્વનું છે કે, હાર્દિક પટેલે લોકસભાની ચૂંટણી લડવા માટે મંજૂરી માગી હતી. જોકે, હાઇકોર્ટે હાર્દિકની અરજી ફગાવી દીધી છે.

જેને લઈને હવે હાર્દિક પટેલ ચૂંટણી નહી લડી શકે. ઉલ્લેખનીય છે કે, કોંગ્રેસે જાહેર કરેલી સ્ટાર પ્રચારકોની યાદીમાં હાર્દિક પટેલનું નામ હોવાથી હવે હાર્દિક પટેલ ઉત્તરપ્રદેશ સહિત દેશમાં કોંગ્રેસનો પ્રચાર કરે તેવી શક્યતા છે.
 

• હાઇકોર્ટના ચુકાદા બાદ હાર્દિક પટેલ સુપ્રીમ કોર્ટમાં જઈ શકે છે
• સુપ્રીમ કોર્ટમાં જાય તો પણ ઉમેદવારીનો સમય જતો રહે઼
• હાલની ચૂંટણીમાં અન્ય બેઠકો પર હાર્દિક કરી શકે છે પ્રચાર
• આગામી વિધનસભાની ચૂંટણીમાં જંપલાવી શકે છે હાર્દિક 
• સ્ટાર પ્રચારક હોવાથી દેશના અન્ય વિસ્તારમાં કરશે પ્રચાર
• લોકસભાની ચૂંટણી બાદ યોજાનાર પેટાચૂંટણીમાં લડવાનો કરી શકે પ્રયાસ
• હાર્દિક 30 વર્ષ પુરા કરે ત્યાર બાદ કોંગ્રેસ ઇચ્છે તો રાજ્યસભામાં બની શકે સાંસદ
• લોકસભાની ચૂંટણીમાં કોઈ ધારાસભ્ય સાંસદ બને તો યોજાય પેટાચૂંટણી
• પેટાચૂંટણીમાં હાર્દિક લોકસભા કે વિધાનસભા લડવા માટે કરી શકે પ્રયાસ
• આ દરમિયાન સજા પર ચુકાદો આવે તો બદલી શકે છે સમીકરણ
• ઉપલી અદાલત સજામાં ફેરફાર કરે તો હાર્દિક લડી શકે છે ચૂંટણી
• બે વર્ષથી ઓછી સજા મળે તો હાર્દિક પટેલ લડી શકે છે ચૂંટણી

શું હતો કેસ?
ઉલ્લેખનીય છે કે વિસનગરમાં ધારાસભ્યની ઓફિસમાં તોડફોડ કરવાનાં કેસમાં વિસનગરની કોર્ટે હાર્દિકને કરેલી સજા સામે તેને હાઈકોર્ટમાં અપીલ કરી હતી અને આ સાથે જ પોતાને દોષિત જાહેર કરવાનાં નિર્ણય પર સ્ટેની માંગ પણ કરી છે.



હાર્દિકના વકીલે અગાઉ શું કહ્યું હતું
એક પણ સાક્ષીએ એવું નથી કહ્યું કે, બનાવનાં સ્થળ પર હાર્દિક હાજર હતો. તો હાર્દિક વિરુદ્ધ એક પણ પુરાવા પણ નથી મળ્યાં. હાર્દિકને IPC એક્ટ પ્રમાણે સજા કરવામાં આવી છે. જેથી આ કેસમાં હાર્દિક નિર્દોષ છૂટી શકવાને પાત્ર છે. પરંતુ જો હાર્દિકની સજા પર સ્ટે ન મુકાય તો પણ RP એક્ટ પ્રમાણે તે ચૂંટણી લડી શકે છે. પરંતુ જો હાર્દિકને હાઈકોર્ટમાંથી રાહત ના મળે તો તેવાં સંજોગોમાં આ લોકસભા ચૂંટણી લડવી એ હાર્દિક માટે મુશ્કેલરૂપ બની શકે છે.