ભાજપમાં જોડાતા પહેલા હાર્દિક પટેલે ટ્વિટ કરીને જણાવ્યું કે, 'PMના નેતૃત્વમાં ચાલતા રાષ્ટ્ર સેવાના કામમાં એક નાનો સિપાહી બનીને હું કામ કરીશ.'
પાટીદાર યુવા નેતા હાર્દિક પટેલ આજે વિધિવત રીતે ભાજપમાં જોડાશે
ભાજપમાં જોડાતા પહેલા હાર્દિક પટેલનું ટ્વિટ
PMના નેતૃત્વમાં ચાલતા રાષ્ટ્ર સેવાના કામમાં સિપાહી બની કામ કરીશ: હાર્દિક
પાટીદાર યુવા નેતા હાર્દિક પટેલ આજે વિધિવત રીતે ભાજપમાં જોડાશે ત્યારે તેને લઇને ગાંધીનગરના કમલમ ખાતે સંપૂર્ણ તૈયારીઓ પૂર્ણ કરી દેવાઇ છે. અમદાવાદના વિવિધ વિસ્તારોમાં પણ હાર્દિકના ભાજપ પ્રવેશ પહેલાં પોસ્ટરો લગાવી દેવાયા છે.
राष्ट्रहित, प्रदेशहित, जनहित एवं समाज हित की भावनाओं के साथ आज से नए अध्याय का प्रारंभ करने जा रहा हूँ। भारत के यशस्वी प्रधानमंत्री श्री नरेन्द्र भाई मोदी जी के नेतृत्व में चल रहे राष्ट्र सेवा के भगीरथ कार्य में छोटा सा सिपाही बनकर काम करूँगा।
ત્યારે એ પહેલાં હાર્દિકે ટ્વિટ કરીને જણાવ્યું કે, 'આજથી નવા અધ્યાયનો પ્રારંભ કરવા જઇ રહ્યો છું. ભારતના યશસ્વી પ્રધાનમંત્રી શ્રી નરેન્દ્રભાઇ મોદીજીના નેતૃત્વમાં ચાલી રહેલા રાષ્ટ્રસેવાના ભગીરથ કાર્યમાં એક નાનો સિપાહી બનીને કામ કરીશ.'
ભાજપમાં પ્રવેશ પહેલાં હાર્દિક પટેલે પોતાના ઘરે કર્યા માઁ દુર્ગાના પૂજા પાઠ
આજથી જનસેવાના કાર્યમાં નવા અધ્યાયનો પ્રારંભ કરી રહ્યો છું: હાર્દિક
એ સિવાય હાલમાં હાર્દિકે ફેસબુક પર પોસ્ટ કરીને લખ્યું છે કે, 'જનસેવાના કાર્યમાં નવા અધ્યાયનો પ્રારંભ કરી રહ્યો છું. હું મારા નિવાસ સ્થાન પર માઁ દુર્ગાના પાઠ અને પૂજા કરી રહ્યો છું.'
રામસેતુની ખિસકોલી બનીને સાથ આપીશ
ઉલ્લેખનીય છે કે ગઇ કાલે પણ હાર્દિકે ફેસબુક પર પોસ્ટ મૂકીને લખ્યું હતું કે, 'ભારતના યશસ્વી પ્રધાનમંત્રી શ્રી નરેન્દ્રભાઇ મોદી અને મક્કમ ગૃહમંત્રી તથા સહકાર મંત્રી શ્રી અમિતભાઇ શાહના રાષ્ટ્રસેવાના ભગીરથ કાર્યમાં રામસેતુની ખિસકોલી બની સાથ આપવા યુવા નેતા હાર્દિક પટેલ તારીખ 2/6/2022 ના રોજ સવાર 11:00 કલાકે ગાંધીનગર કમલમ ખાતે વિધિવત રીતે ભાજપમાં જોડાશે.' બીજી બાજુ અમદાવાદમાં લગાવવામાં આવેલા પોસ્ટરમાં હાર્દિકને સંઘર્ષશીલ અને યુવા પાટીદાર નેતા તરીકે ગણાવવામાં આવેલ છે.
ભાજપમાં પ્રવેશ પહેલાં અમદાવાદમાં બેનરો લગાવવામાં આવ્યા
હાર્દિક પટેલ આજે વિધિવત રીતે ભાજપમાં જોડાશે. ત્યારે એ પહેલાં અમદાવાદમાં હાર્દિકના સંઘર્ષશીલ અને યુવા પાટીદાર નેતા તરીકેના બેનર લગાવવામાં આવ્યા છે. શહેરના પશ્ચિમ વિસ્તારમાં માનસી સર્કલ, કેશવબાગ અને શિવરંજની વિસ્તારમાં બેનરો લગાવવામાં આવ્યા છે. બેનરમાં હાર્દિકને સંઘર્ષશીલ અને યુવા પાટીદાર નેતા ગણાવવામાં આવેલ છે.
11 વાગ્યે વિધિવત રીતે હાર્દિકની ભાજપમાં થશે એન્ટ્રી
ઉલ્લેખનીય છે કે, હાર્દિક પટેલે કોંગ્રેસના કાર્યકારી પ્રમુખ પદેથી રાજીનામું આપીને હવે ભાજપનો કેસરીયો પહેરવાનું નક્કી કરી લીધું છે હાર્દિકને ભાજપમાં જોડવા માટે અલગ પ્રોગ્રામ કરવામાં આવે તેવી હાર્દિક એ જીદ પકડી છે, આ પહેલા શ્વેતા બ્રહ્મભટ્ટ અને હાર્દિક પટેલ બંને જોડે જ ભાજપમાં જોડાવાના હતા, પણ હવે હાર્દિકની જીદના કારણે ભાજપે નમતું જોખ્યું છે. ત્યારે આજે 11 વાગ્યે ગાંધીનગરના કમલમ ખાતે હાર્દિક પટેલ વિધિવત રીતે ભાજપનો કેસરીયો ધારણ કરશે.