ભાવનગરમાં હાર્દિકનો હુંકારઃ સભામાં ભાજપ સરકાર પર આકરા પ્રહારો

ભાવનગરઃ બાડી ગામ પાસે GPCL કંપની સામે 12 ગામના લોકો આંદોલન કરી રહ્યા છે. આ અંદોલનકારી ખેડૂતોને મળવા અને જાહેરસભા સંબોધવા હાર્દિક પટેલ આવી પહોંચ્યા હતા. આ વિસ્તારના 12 ગામના લોકો તેમની સંપાદન થયેલી જમીન કાયદાનો ભંગ થતો હોઈ અને પરત લેવા માટે આંદોલન ચલાવી રહ્યાં છે.

જ્યાં પાસના કન્વીનર હાર્દિક પટેલે સભા સંબોધી હતી. આ સભામાં હાર્દિક પટેલે ભાજપ સરકાર પર પ્રહાર કર્યા હતા. હાર્દિકે ભાજપ પર પ્રહાર કરતા કહ્યુ કે ભાજપે ખેડૂતો સાથે અન્યાય કર્યો છે. સાણંદના ખેડૂતોની જમીન ટાટાને આપવામાં આવી છે.



સરકારનો બહાર ગામના ખેડૂતો સાથે માઈનીંગ કરવાનો પ્લાન છે. ભાજપ સરકાર દ્વારા 5500 કરોડ રૂપિયાનુ બજેટ જાહેર કરવામાં આવ્યુ છે. આ બજેટ 5500 કરોડ રૂપિયાનુ નથી. સરકારનુ આ બજેટ 15 હજાર કરોડ રૂપિયાનુ છે.

અહીં ખેડૂતો દ્વારા રેલી ધરણા અને શિક્ષણનો બહિષ્કાર જેવા કાર્યક્રમો આપી ચુક્યા છે. આ આંદોલનને ટેકો આપવા અનેક રાજકીય આગેવાનો ટેકો આપી રહ્યાં છે. ત્યારે આજે અહીં યોજાયેલ જાહેરસભા સમબોધવા હાર્દિક પટેલ આવી પહોચ્યાં હતા. તેમને ગુજરાત સરકાર અને કેન્દ્ર સરકાર સામે આક્ષેપો કાર્યા હતા અને તમણે જણાવ્યું હતું કે આંદોલન માટે ગામના લોકોએ જ જાગૃતિ દાખવવી પડશે.