પ્રતિક્રિયા / નથુરામ ગોડસેના જન્મદિવસની ઉજવણીને લઇને હાર્દિક પટેલે આપ્યું કંઇક આવું નિવેદન

સુરતમાં ગાંધીજીના હત્યારા નથુરામ ગોડસેના જન્મદિવસની ઉજવણી કરવામાં આવી હતી. જેને લઈને કોંગ્રેસ દ્વારા તેનો વિરોધ કરવામાં આવી રહ્યો છે. ત્યારે આ મામલે હાર્દિક પટેલે નિવેદન આપ્યું હતું.

તેમણે કહ્યું કે ભાજપ ગોડસેની વિચારધારાને માને છે. ગોડસેનું સમર્થન કરનારા સામે દેશદ્રોહ હેઠળ ગુનો દાખલ કરવો જોઇએ. જેમની અટકાયત કરવામાં આવી છે તેમને 5 દિવસમાં છોડી દેવાશે.

જ્યારે વિરોધ કરતા વડોદરા શહેર કોંગ્રેસ પ્રમુખે કહ્યું હતું કે ભાજપની સરકાર ગુજરાતમાં વારંવાર ગાંધીનું અપમાન કરે છે. ગોડસેના જન્મદિવસની ઉજવણી કરનારા સામે કાર્યવાહી થવી જોઈએ.

તો આ તરફ સુરતમાં અર્જુન મોઢવાડિયાની તીખી પ્રતિક્રિયા આપી છે. તેમણે જણાવ્યુ હતું કે ગુજરાતીઓએ આત્મખોજ કરવાની જરૂર છે. આપણે કાયર કેમ ? એમ કહી મોઢવાડિયાએ ઉમેર્યું હતું કે ભાજપ દેશની પ્રજાને કાયર બનાવી રહી છે. ગોડસેના જન્મ દિવસની ઉજવણી કરીને ડૂબી મરવું જોઈએ.