અમદાવાદ / આ શરતને લઇને કોર્ટે હાર્દિક પટેલના રાજદ્રોહ કેસના જામીન કર્યાં મંજૂર

• સેશન્સ કોર્ટે હાર્દિક પટેલના જામીન કર્યા મંજૂર
• કેસની તારીખમાં ફરજિયાત હાજર રહેવા કોર્ટનો આદેશ 
• કોર્ટમાં હાજર રહેવા હાર્દિકના વકીલે કોર્ટમાં આપી બાંહેધરી

સેશન્સ કોર્ટે આગામી કેસની તારીખમાં હાજર રહેવાને લઇને જામીન મંજૂર કરતાં હાર્દિક પટેલના વકીલે કોર્ટમાં હાજર રહેવાની બાહેંધરી આપી છે. હાર્દિકના વકીલે જણાવ્યું કે બીજી વાર હાર્દિક પટેલ દ્વારા આવી ભૂલ નહીં થાય. 
 

ઉલ્લેખનીય છે કે રાજદ્રોહ કેસમાં જામીન શરતોનું પાલન ન કરતા હાર્દિક પટેલની ધરપકડ કરવામાં આવી હતી. જેને લઇને હાર્દિક પટેલે સેશન્સ કોર્ટમાં જામીન અંગેની અરજી કરી હતી. જેને લઇને આજે સેશન્સ કોર્ટમાં સુનાવણી હાથ ધરવામાં આવી હતી. જેમાં સેશન્સ કોર્ટે હાર્દિક પટેલના શરતી જામીન મંજૂર કર્યા હતા. 

કોંગ્રેસ નેતા અને પાટીદાર નેતા હાર્દિક પટેલની વિરમગામ નજીકથી અમદાવાદ ક્રાઇમ બ્રાંચે ધરપકડ કરી હતી. ક્રાઇમ બ્રાંચે વિરમગામની હાંસલપુર ચોકડી પાસેથી ધરપકડ કરાઇ હતી. રાજદ્રોહ કેસમાં વોરંટ ઇશ્યુ કરવામાં આવતા તેની ધરપકડ કરવામાં આવી હતી.