હાર્દિક પટેલના લગ્નની તારીખ થઇ જાહેર કહ્યું- બહેનના લગ્નમાં 50 કરોડનો ખર્ચ મારા લગ્નમાં....

PAAS કન્વીનર હાર્દિક પટેલની લગ્નની તારીખ જાહેર થઇ છે. હાર્દિક પટેલ સુરેન્દ્રનગરની કિંજલ પટેલ નામની યુવતી સાથે લગ્ન કરશે. આગામી 26 અને 27મી તારીખે લગ્ન યોજાશે. 27મી જાન્યુઆરીએ હાર્દિક પ્રભુતામાં પગલાં માંડશે. મૂળી પાસે કુળદેવી માતાના મંદિરે લગ્નવિધી યોજાશે. પહેલા વાત થઇ રહી હતી કે હાર્દિક પટેલ સાદાઇથી લગ્ન કરશે. 

ત્યારે આ મુદ્દે હાર્દિક પટેલે કટાક્ષ કરતા કહ્યું કે બહેનના લગ્નમાં 50 કરોડનો ખર્ચ કર્યો હતો. હવે મારા લગ્નમાં હું 100 કરોડનો ખર્ચો કરીશ. મારા લગ્નમાં ડબલ ખર્ચ કરીશ. પરિવારના સભ્યોની હાજરીમાં લગ્ન યોજાશે. ત્યારે લગ્ન મુદ્દે હાર્દિક પટેલે કહ્યું કે જે પરિવાર કરે તે માન્ય રહેશે.


મહત્વનું છે કે મહાગઠબંધન રેલીમાં હાજરી આપ્યા બાદ હાર્દિક પરત ફર્યો છે. હાર્દિક પટેલે વર્તમાન સ્થિતિ મુદ્દે સરકારે પ્રહાર કર્યા હતા. તેમણે કહ્યું કે દેશની અંદર બંધારણ પર ખતરો છે. કલકત્તામાં 6થી વધુ રાજ્યોના મુખ્યમંત્રી હાજર રહ્યાં હતા. ત્યારે ગુજરાતના આગેવાન તરીકે હું હાજર રહ્યો હતો.