પાટીદાર આંદોલનથી નેતા તરીકે ઉભરી આવેલા હાર્દિક પટેલની એક તસવીર વાયરલ થઈ હતી. હાર્દિકે આ તસવીર ફેસબુક પર પોસ્ટ કરીને લાંબી લચક કોમેન્ટ લખી હતી.
હાર્દિક પટેલની વાયરલ પોસ્ટ શું
કેમ કરવી પડે તેણે સ્પષ્ટતા
ફોટામાં કોણ છે?
હાર્દિક પટેલ તાજેતરમાં જ વિદ્યાર્થીઓની પ્રથમ સત્રની ફી માફીની માંગ સાથે ગુજરાત વાલી એકતા મંડળના આગેવાનો સાથે જોવા મળ્યો હતો. આ ઉપરાંત જગન્નાથ રથયાત્રા મામલે પણ નિવેદન આપી હાર્દિક પટેલ ચર્ચામાં રહ્યો હતો. હવે ફરી એકવાર હાર્દિક પટેલ ફેસબુક પોસ્ટથી ચર્ચામાં આવ્યો છે. હાર્દિક પટેલે જે ફેસબુક પોસ્ટ કરી છે તેમાં તેનો ચહેરો યુવતીના ચહેરામાં મોર્ફ કરવામાં આવ્યો છે. હાર્દિકે તસવીર શૅર કરીને ભાજપના આઈટી સેલ પર પ્રહાર કર્યા હતાં.
શું કહે છે હાર્દિક પટેલ?
મને આ ચિત્ર સાથે કોઈ સમસ્યા નથી. મારા માટે આ સન્માનની વાત છે. મહિલા તો માં દુર્ગા અને રાણી લક્ષ્મી બાઈ પણ છે.
ભાજપનો આઇટી સેલ મહિલાને એટલી બધી નફરત કરતા હશે કે મારા ચહેરા પર પણ તે એક સ્ત્રીને જુએ છે. તેની કલ્પનામાં સ્ત્રી બનવું એ પાપ લાગે છે. મહિલાઓને પણ ખબર હોવી જોઈએ કે ભાજપનો આઇટી સેલ મહિલા ને કેટલી નફરત કરે છે. ભાજપના માણસોએ કેવો મસ્ત ફોટો બનાવ્યો છે. હું એક છોકરીના રૂપમાં પણ આટલો સુંદર હોઈશ એની કલ્પના જ મને ન હતી. તમારો આભાર. જેને પણ આ ફોટો બનાવ્યો છે તે વ્યકતિ પોતાની માં-બહેન ને પસંદ કરતો હશે કે નહિ...! આઇટી સેલવાળા છોકરાઓ આ તસવીરમાં પોતાની માતા, બહેન, ભાભી અને પત્ની જોઈ શકે છે. તમામ મહિલાઓને આજના દિવસે ખૂબ ખૂબ શુભેચ્છાઓ. તમે મને હેપ્પી વુમન ડે ની શુભેચ્છા પાઠવી શકો છો..! હું સુંદર લાગુ છું ને.
છેલ્લે એટલું જ કહીશ કે ફોટા પાછળ જે મહેનત કરો છો એ મહેનત પોતાના અધિકારની લડાઈ લડવા માટે કરતા હોત તો આજે બેરોજગાર ના ફરવું પડત.