રાજનીતિ / લો હવે એક ઔર મુરતિયો રાજનીતિમાં આવવા થનગની રહયો છે, પોસ્ટર રિલિઝ કરી રજૂ કર્યુ હું આવુ છું!

• શું હાર્દિકે કોંગ્રેસ સાથે છેડો ફાડી લીધો છે 
• પોસ્ટર હાર્દિકની વ્યુહરચના કે નારાજગી
• ચુંટણી ટાણે જ વિવાદ

હાર્દિક પટેલ અને વિવાદ એ બંને એકબીજાનો પર્યાય છે. ગુજરાતમાં પાટીદાર આંદોલન કરીને તત્કાલીન મુખ્યમંત્રી આનંદીબહેનની સરકાર ઉથલાવનાર હાર્દિકનું જોર જો કે કેટલાક મહિનાથી ઓછુ પડ્યુ છે. પણ રાજનીતિમાં અજ્ઞાત વાસને ખાસ મહત્વ છે. નરેન્દ્ર મોદી અજ્ઞાત વાસ બાદ એક અભૂતપૂર્વ નેતા બનીને ઉભર્યા હતા તો અમિત શાહ પણ તડીપારની સજા ભોગવી અચાનકથી યુપી ઈલેકશન વખતે ચૂંટણી ચાણાક્ય બનીને બહાર આવ્યા હતા ત્યારે હાર્દિક પણ એવી જ કોઈ ખટપટ કરી રહ્યો છે કે શું? એવી શંકાઓ સેવાઈ રહી છે. 

હાર્દિક પટેલનું વિવાદિત પોસ્ટર હાલ સોશિયલ મીડિયામાં વાઈરલ થઈ રહ્યુ છે. જેને કારણે હાર્દિક પણ હવે રાજકારણમાં આવશે તેના અંગે અટકળો લગાવવામાં આવી રહ્યુ છે. પણ હાર્દિકના પોસ્ટરણાં પંજાનું નિશાન નથી. વળી ભાજપના કોંગ્રેસ મુક્ત અભિયાન અંતર્ગત અલ્પેશ બાદ હાર્દિકને ભાજપમાં ભેળવવા કોઈ નવો તખ્તો રચાયો હોઈ શકે તેવી પણ અટકળો લગાવાઈ રહી છે. 

શું હાર્દિકે કોંગ્રેસ સાથે છેડો ફાડી લીધો છે?
કોંગ્રેસની સ્થિતિ હાલ એક સાંધો તો તેર તુટે તેવી છે. જેને હાઈકમાન્ડ કોઈ કાળે બચાવી શકે તેમ નથી. કોંગ્રેસે પોતે જિતેલી જિલ્લા પંચાયતો, નગરપાલિકાઓની કોંગ્રેસી નેતાઓ જ ભાજપને લહાણી કરી રહ્યા છે ત્યારે હાર્દિકે કોંગ્રેસને પાટીદાર સમાજનો ટેકો જાહેર કર્યો હતો પરંતુ હાલમાં વાઈરલ થઈ રહેલા તેના પોસ્ટરમાં ક્યાંય કોંગ્રેસનો પંજો દેખાતો નથી. ત્યારે હાર્દિકે પણ કોંગ્રેસ સાથે છેડો ફાડી લીધો હોવાની પણ વાતો વહેતી થઈ છે. 

પોસ્ટર હાર્દિકની વ્યુહરચના કે નારાજગી ?
હાર્દિક પટેલનું વિવાદિત પોસ્ટર વાઇરલ થયુ છે. તેમાં લખ્યુ છે કે, મારા માટે કોઇ પાર્ટી મહત્વની નથી. જેને પગલે વિવાદ સર્જાયો છે. થોડા દિવસથી હાર્દિકના પોસ્ટરમાં પંજો પણ ગાયબ છે. વળી કોંગ્રેસમાં હાલ નારજગીનો દોર ચાલી રહ્યો છે એવામાં હાર્દિક પણ અસંતુષ્ટોમાનો એક છે કે શું? તે ચર્ચાએ સોશિયલ મીડિયા ઉપર આગ લગાવી છે.