સિદ્ધપુર: આજરોજ પાટણ જીલ્લાના સિધ્ધપુર તેમજ ચાણસ્મા પોલીસ મથકે પાસ કન્વીનર હાર્દિક પટેલે હાજરી આપી હતી. હાર્દિક પટેલ ઉપર ચુંટણી સમયે યોજાયેલ જાહેર સભામાં આચારસંહિતા ના ભંગ ની ફરિયાદ ચૂંટણી બાદ પોલીસ મથકે નોંધાઇ હતી.
સિધ્ધપુરની સભા તેમજ લણવા ગામની સભામાં આચારસંહિતા નો ગુનો બનતો હોય પોલીસે તેના વિરુધ મોડી મોડી ફરિયાદ દાખલ કરતા હાર્દિક આજે સિધ્ધપુર તેમજ ચાણસ્મા પોલીસ મથકે હાજરી આપવા માટે આવ્યો હતો જેમાં ચાણસ્મા પોલીસ સ્ટેસને તેનું પાસ ના કાર્યકરોએ ઢોલ નગારા સાથે સ્વાગત કર્યું હતું. પાટણ ના ધારસભ્ય કિરીટ પટેલ પણ હાર્દિક સાથે રહ્યા હતા. હાર્દિક ને ચાણસ્મા પોલીસ મથકે સ્લેટ પકડીને ઉભો રખાતા હાર્દિકે મીડિયાને આ વિડીયો લેવાનું નાં કહેતા તે કેમેરામાં ઝડપાઈ ગયો હતો.
જોકે હાર્દિક મીડિયા સમક્ષ આવતા તેને વડા પ્રધાન મોદી પર આક્ષેપ કરતા જણાવ્યું કે હું કોઈ રાજકીય નેતા નથી કે મારા પર આચારસંહિતા છતાં પણ મારી પર ફરિયાદ કરવામાં આવી છે. નરેન્દ્ર મોદીના ૯૦ મીનીટના ભાષણમાં દેશ માટે શું કર્યું તેનો જવાબ મોદી પાસે નથી તેમ જણાવ્યું હતું. હાર્દિકે મોદી પર આક્ષેપ કરતા કહ્યું કે તેઓ ફક્ત વિરોધ પક્ષના નેતાની જેમ કોંગ્રેસ પર આક્ષેપ તેમના ભાષણ માં આક્ષેપ કર્યા હતા. મોદી સત્તામાં નહિ પણ વિપક્ષ માં હોય તેવું મોદીને લાગી રહ્યું છે તેવો હાર્દિકે મોદી પર આક્ષેપ કર્યો હતો.
બીજી બાજુ એસપીજીના અધ્યક્ષ લાલજી પટેલે કેસ પાછા ખેચવાના મુદ્દે આપેલ પ્રતિક્રિયા અંગે હાર્દિકે જણાવેલ કે હું લાલજી પટેલને આ બાબતે સમર્થન આપું છું કેસ પાછા ખેંચવા તો દુર હવે કેસ નવા કરવાનું ચાલુ થઈ ગયું છે. જોકે રેસમાં અને વરુણ ના નામ લીધા વગર તેના પર પ્રતિક્રિયા આપવાનું ટાળ્યું કહ્યું કહ્યું કે આ જુનું થઇ ગયું કોઈના વિરૃદ્ધમાં મને બોલવું ગમતું નથી.