રાજસ્થાનના ભરતપુર જિલ્લા મેજિસ્ટ્રેટે હાર્દિક પટેલને ભરતપુર જિલ્લામાં પ્રવેશ માટે રોક લગાવતો આદેશ કર્યો છે. 15 મેના રોજ ભરતપુરના અડ્ડા ગામે ગુર્જર મહાપંચાયતનું આયોજન કરવામાં આવ્યું છે. જેમાં હાર્દિક પટેલ પણ હાજર રહેવાની શક્યતા હતી જેને લઈને જિલ્લા મેજિસ્ટ્રેટ સંદેશ નાયકે આદેશ કર્યો છે. મહત્વનું છે કે ગુજરાતમાં પાટીદારો માટે આંદોલન ચલાવી રહેલ હાર્દિક પટેલ રાજસ્થાનમાં સરકાર માટે મુસીબત પણ કરી શકે છે તે આશંકાને લઈને નિર્ણય કરવામાં આવ્યો છે.
ઉલ્લેખનીય છે કે આગામી 15મેના રોજ રાજસ્થાનના ભરતપુરના અડ્ડા ગામે ગુર્જર મહાપંચાયતનું આયોજન કરવામાં આવેલ છે જેમાં પાટીદાર આંદોલનના પ્રણેતા હાર્દિક પટેલ ખાસ હાજરી આપે તેવી માહિતી જિલ્લા મેજિસ્ટ્રેટને મળતા ગતરોજ જિલ્લા મેજિસ્ટ્રેટ સંદેશ નાયકે આદેશ કરતા હાર્દિક પટેલને રાજસ્થાનના ભરતપુરમાં પ્રવેશ પર પાબંધી લગાવી દીધી હતી. જેથી હાર્દિક પટેલને મોટો ફટકો પડ્યો હતો.
તો આપને જણાવી દઇએ કે ગતરોજ ગુજરાતના કેશોદના બાયપાસ રોડ લાડાણી ફાર્મ હાઉસ મુકામે હાર્દિક પટેલનો યુવાનો સાથે પાટીદાર અનામત આંદોલન નબળું પડયું છે. જે બાબતે યુવાનો સાથે ચર્ચાનો કાર્યક્રમ યોજવામાં આવ્યો હતો તેમાં સમગ્ર કેશોદ તાલુકાના યુવાનો તથા પાસના હોદ્દેદારો સહિત માત્ર 50 થી 60 જેટલા લોકોની હાજરી જોવા મળી હતી. તેમાં પણ કેશોદ પાટીદાર અનામત આંદોલનના પાસના કન્વીનરો કાર્યકરો તથા પાટીદાર આગેવાનોની પણ ગેરહાજરી જોવા મળી હતી.