ચૂંટણી / કોંગ્રેસમાં હાર્દિક પટેલનુ કદ વધ્યું, હૅલિકૉપ્ટર બાદ વધુ એક સવલત મળી

જૂનાગઢ: કોંગ્રેસમાં જોડાયા બાદ હાર્દિક પટેલનુ કદ વધ્યુ છે. ગુજરાતમાં સિનિયત નેતાઓની ગણતરીમાં હાર્દિક પટેલનુ નામ સામે આવ્યું છે. કોંગ્રેસ દ્વારા હાર્દિક પટેલને હેલિકોપ્ટર બાદ હવે પ્લેન આપવામાં આવ્યું છે.

સભા સ્થળ સુધી પહોંચવા માટે કોંગ્રેસે હાર્દિક માટે પ્લેનની વ્યવસ્થા કરી આપી છે. મહત્વનુ છે કે, હાઈકમાન્ડ દ્વારા હાર્દિક પટેલને કોંગ્રેસનો સ્ટાર પ્રચારક બનાવવામાં આવ્યો છે.
 
લોકસભાની ચૂંટણીને લઈને હાર્દિક દરરોજ રાજ્યમાં 4થી 5 જેટલી સભા સંબોધે છે. સભા સ્થળ સુધી પહોંચવા માટે હાર્દિક પટેલને પ્લેનની વ્યવસ્થા કરવામાં આવી છે. કેશોદથી પાટણ પ્રવાસ જતા સમયનો કેશોદ એરપોર્ટનો હાર્દિક પટેલનો વીડિયો સામે આવ્યો છે.

કોંગ્રેસના સ્ટાર પ્રચારક છે હાર્દિક પટેલ
ઉલ્લેખનીય છે કે, હાર્દિક પટેલ તાજેતરમાં કોંગ્રેસમાં જોડાયા છે અને તેમણે ચૂંટણી લડવાની પણ વાત કરી હતી. જો કે, કેટલાક કારણોસર તે ચૂંટણી લડી શકે તેમ નથી. ત્યારે હાલ હાર્દિક પટેલ કોંગ્રેસના સ્ટાર પ્રચારક તરીકે કામ કરી રહ્યા છે ત્યારે કોંગ્રેસ દ્વારા તેમને પ્રચાર માટે ચાર્ટર પ્લેન આપવામાં આવતા ગુજરાતના રાજકારણમાં વિવિધ ચર્ચાઓએ જોર પકડ્યું છે.