લોકસભા ચૂંટણીનો પ્રચાર અંતિમ ચરણમાં ચાલી રહ્યો છે. આવામાં પાટીદારના ગઢ ગણાતા મહેસાણામાં લોકસભા કોંગ્રેસના ઉમેદવાર એ.જે. પટેલના પ્રચાર અર્થે હાર્દિક પટેલે માણસા તાલુકાના વિહાર ખાતે સભા યોજી હતી.
મહેસાણા: લોકસભા ચૂંટણીનો પ્રચાર અંતિમ ચરણમાં ચાલી રહ્યો છે. આવામાં પાટીદારના ગઢ ગણાતા મહેસાણામાં લોકસભા કોંગ્રેસના ઉમેદવાર એ.જે. પટેલના પ્રચાર અર્થે હાર્દિક પટેલે માણસા તાલુકાના વિહાર ખાતે સભા યોજી હતી.
અહીં સભામાં હાર્દિક પટેલે જનમેદનીને સંબોધતા કહ્યું કે દેશની પ્રજાને ચોકીદારની જરૂર નથી. ચોકીદાર તો અમે નેપાળથી લાવી દઈશું. પ્રજાને પ્રધાનમંત્રીની જરૂર છે. ભાજપના નેતાઓ વિકાસની વાત કરતા નથી.
ભાજપ વાળા ડરાવે છે કે કોંગ્રેસની સરકાર આવશે તો લોકોની સલામતી નહીં રહે. પણ કોઈએ ડરવાની જરૂર નથી. અમારી સરકાર બની તો અમે પહેલુ કામ સુરક્ષા આપવાનું કરીશું.
महेसाना और पाटन ज़िले की बोर्डर पर दोनों लोकसभा की एतिहासिक जनसभा को संबोधित किया.उत्तर गुजरात की जनता ने हर वक़्त कांग्रेस को सहयोग दिया है और मुझे भरोसा है की इस बार भी उत्तर गुजरात से सभी लोकसभा सीट कांग्रेस जीत रही है।भाजपा के राज में डेरी उद्योग में भ्रष्टाचार सीमा से पर हैं pic.twitter.com/kyXK2ArNrl
હાર્દિક પટેલને પ્રચાર માટે ફાળવાયું છે ચાર્ટર પ્લેન
સભા સ્થળ સુધી પહોંચવા માટે કોંગ્રેસે હાર્દિક માટે પ્લેનની વ્યવસ્થા કરી આપી છે. મહત્વનુ છે કે, હાઈકમાન્ડ દ્વારા હાર્દિક પટેલને કોંગ્રેસનો સ્ટાર પ્રચારક બનાવવામાં આવ્યો છે.
લોકસભાની ચૂંટણીને લઈને હાર્દિક દરરોજ રાજ્યમાં 4થી 5 જેટલી સભા સંબોધે છે. સભા સ્થળ સુધી પહોંચવા માટે હાર્દિક પટેલને પ્લેનની વ્યવસ્થા કરવામાં આવી છે. કેશોદથી પાટણ પ્રવાસ જતા સમયનો કેશોદ એરપોર્ટનો હાર્દિક પટેલનો વીડિયો સામે આવ્યો છે.
કોંગ્રેસના સ્ટાર પ્રચારક છે હાર્દિક પટેલ
ઉલ્લેખનીય છે કે, હાર્દિક પટેલ તાજેતરમાં કોંગ્રેસમાં જોડાયા છે અને તેમણે ચૂંટણી લડવાની પણ વાત કરી હતી. જો કે, કેટલાક કારણોસર તે ચૂંટણી લડી શકે તેમ નથી. ત્યારે હાલ હાર્દિક પટેલ કોંગ્રેસના સ્ટાર પ્રચારક તરીકે કામ કરી રહ્યા છે ત્યારે કોંગ્રેસ દ્વારા તેમને પ્રચાર માટે ચાર્ટર પ્લેન આપવામાં આવતા ગુજરાતના રાજકારણમાં વિવિધ ચર્ચાઓએ જોર પકડ્યું છે.