હાર્દિક પટેલના ઉપવાસ આંદોલનને પગલે જૂનાગઢ કલેક્ટરે લગાવી 144 કલમ

જૂનાગઢ: હાર્દિક પટેલના ઉપવાસના પગલે જૂનાગઢમાં કલમ 144 લાગુ કરી દેવામાં આવી છે. હાર્દિક પટેલ અમદાવાદમાં ઉપવાસ પર ઉતર્યો છે. આજે તેના ઉપવાસ આંદોલનનો 14મો દિવસ છે.

ત્યારે જૂનાગઢમાં કાયદો અને વ્યવસ્થા જળવાય તે હેતુસર કલેક્ટરે જાહેરનામું બહાર પાડયું છે. જૂનાગઢમાં આજથી 17 સપ્ટેમ્બર સુધી કલમ 144 લાગુ કરવામાં આવી છે.

આપને જણાવી દઇએ કે પાસ કન્વીનર અને પાટીદાર અગ્રણી હાર્દિક પટેલ દ્વારા ખેડૂતોના દેવા માફી અને અનામત મુદ્દે છેલ્લા 13 દિવસથી ઉપવાસ કરી રહ્યો છે. ત્યારે દિવસેને દિવસે તેના સમર્થકોની મળવા પણ આવી રહ્યા છે ત્યારે જૂનાગઢમાં કોઇ અણ બનાવ ના બને તે હેતુ છે જિલ્લા કલેક્ટર દ્વારા આગામી 17 સપ્ટેમ્બર સુધી કલમ 144 લગાવી દેવામાં આવી હતી.

ઉલ્લેખનીય છે કે કલમ 144 અંતર્ગત એક સ્થળ પર 4 લોકોથી વધારે સંખ્યામાં એકત્રિત થઇ શકાશે નહીં. આ અંગેની જાણકારી કલેક્ટરે એક જાહેરનામું બહાર પાડીને આપી હતી. જો કે આ પહેલા પણ તા. ૨૫/૮/૨૦૧૮ થી તા. ૩૧/૮/૨૦૧૮ ના સમય ગાળામાં જૂનાગઢ જિલ્લા શહેર તાલુકા કે જૂનાગઢ જિલ્લાની હદમાં કલમ 144 લગાવવામાં આવી હતી.