ભારતીય ટીમને પ્રથમ T20 મેચમાં 21 રને હારનો સામનો કરવો પડ્યો છે. જીત માટે 177 રનના લક્ષ્યાંકનો પીછો કરવા ઉતરેલી ભારતીય ટીમ 9 વિકેટે 155 રન જ બનાવી શકી હતી.
હાર્દિક પંડ્યાની કપ્તાની ભારતને ન ફળી
પહેલી ટી-20માં થયો ધબડકો
ન્યુઝીલેન્ડે 21 રનથી હરાવ્યું
રાંચીમાં રમાયેલી પ્રથમ T20 મેચમાં ભારતને ન્યૂઝીલેન્ડે 21 રને હરાવ્યું હતું. જીત માટે 177 રનના લક્ષ્યાંકનો પીછો કરવા ઉતરેલી ભારતીય ટીમ પૂરી 20 ઓવર રમીને પણ લક્ષ્ય સુધી પહોંચી શકી નહોતી. બંને ટીમો વચ્ચે બીજી T20 મેચ 29 જાન્યુઆરીએ લખનૌમાં રમાશે.
ઈશાન-રાહુલ-ગિલ બેટમાં નિષ્ફળ રહ્યા હતા
ટાર્ગેટનો પીછો કરવા ઉતરેલી ટીમ ઈન્ડિયાની શરૂઆત ખૂબ જ ખરાબ રહી હતી અને માત્ર 15 રનમાં પોતાની ત્રણ વિકેટ ગુમાવી દીધી હતી. આ દરમિયાન શુભમન ગિલ 7, ઈશાન કિશન 4 અને રાહુલ ત્રિપાઠી પોતાનું ખાતું પણ ખોલાવી શક્યા ન હતા. પ્રથમ ત્રણ વિકેટ પડી જવાને કારણે ટીમ ઈન્ડિયાનો મોમેન્ટમ બગડ્યો અને તેણે અંત સુધી સંઘર્ષ કર્યો.
સૂર્યાએ તોફાની ઇનિંગ્સ રમી
ત્રણ વિકેટ પડ્યા બાદ સૂર્યકુમાર અને હાર્દિક પંડ્યા વચ્ચે 68 રનની ભાગીદારી થઈ હતી. ત્યારે એવું લાગતું હતું કે ભારત મેચ જીતી શકશે. પરંતુ સૂર્યાની વિકેટે ભારતીય ચાહકોની નિરાશા વધારી દીધી હતી.. સૂર્યકુમારને ઈશ સોઢીએ રન બનાવ્યા હતા. સૂર્યકુમારે 34 બોલમાં 47 રન બનાવ્યા જેમાં છ ચોગ્ગા અને બે છગ્ગાનો સમાવેશ થાય છે. સૂર્યા 12મી ઓવરમાં આઉટ થયો હતો અને તે સમયે સ્કોર 83 રન હતો.
સુંદરે ફરી ટીમ ઈન્ડિયાની લાજ બચાવી
હાર્દિકના આઉટ થયા બાદ ભારતે દીપક હુડા અને શિવમ માવીની વિકેટ પણ ગુમાવી દીધી, જેના કારણે સ્કોર સાત વિકેટે 115 રન થઈ ગયો. અહીંથી વોશિંગ્ટન સુંદરે શાનદાર રમત બતાવી અને ઝડપી ઇનિંગ્સ રમીને ભારતીય ટીમને મોટી હારમાંથી બચાવી લીધી. સુંદર છેલ્લી ઓવરમાં આઉટ થયો જેમાં ભારતને 33 રનની જરૂર હતી. સુંદરે 28 બોલમાં 50 રનની ઇનિંગ રમી જેમાં પાંચ ચોગ્ગા અને ત્રણ છગ્ગાનો સમાવેશ થાય છે.
અર્શદીપની છેલ્લી ઓવર ઘણી મોંઘી હતી
ભારતે ટોસ જીતીને પ્રથમ બોલિંગ કરવાનો નિર્ણય કર્યો, જે બાદ ન્યૂઝીલેન્ડે છ વિકેટે 176 રન બનાવ્યા. ડેરીલ મિશેલે અણનમ 59 અને ડેવોન કોનવેએ 52 રન બનાવ્યા હતા. જો જોવામાં આવે તો ન્યુઝીલેન્ડ 19મી ઓવર સુધી 150 રન પણ બનાવી શક્યું ન હતું, પરંતુ અર્શદીપની છેલ્લી ઓવર ઘણી ભારે હતી. ડેરીલ મિશેલે તે ઓવરમાં 27 રન બનાવ્યા હતા. સુંદરે નહોતો થઈ શકે તેવો કેચ પકડ્યો
મેચમાં સ્પિનર વોશિંગ્ટન સુંદરે પોતાની જ બોલિંગમાં એક અદ્દભુત કેચ કર્યો હતો જે ચેક પકડી શકાય તેવો નહોતો તેમ છતાં પણ સુંદરે સાહસ કરીને તેને જવા દીધો નહોતો. સુંદરે પાવરપ્લેમાં પણ બે વિકેટ લીધી હતી. આ કારણે ટીમ ઈન્ડિયાની મેચમાં વાપસી આસાન થઈ ગઈ હતી. ન્યૂઝીલેન્ડની ટીમ સૌથી પહેલા બેટિંગ કરવા મેદાન પર આવી હતી. આ સમય દરમિયાન ફિન એલન અને ડેવોન કોન્વે ખુલવા આવ્યા. એલને 35 રન બનાવ્યા હતા અને તેને વોશિંગ્ટન સુંદરે આઉટ કર્યો હતો. તેના આઉટ થયા બાદ માર્ક ચેમ્પમેન મેદાન પર પહોંચ્યો હતો. પરંતુ તેઓ કંઇ ખાસ કરી શક્યા નહીં અને ખાતુ ખોલાવ્યા વગર જ આઉટ થઇ ગયા. પાંચમી ઓવરના છેલ્લા બોલ પર સુંદરે તેને શિકાર બનાવ્યો હતો. ચેમ્પમેને એક શોટ ફટકાર્યો હતો, પરંતુ બોલ સુંદરની પહોંચની અંદર હતો. પરંતુ આ કેચ ખૂબ જ મુશ્કેલ હતો. સુંદરે હવામાં કૂદકો મારીને કેચ પકડ્યો.
એક જ ઓવરમાં ઝડપી બે વિકેટ
રાંચી ટી-20માં સુંદરે શાનદાર બોલિંગ કરી હતી, તેણે 4 ઓવરમાં માત્ર 22 રન આપીને 2 વિકેટ ઝડપી હતી. સુંદરના પ્રદર્શનના કારણે ટીમ ઈન્ડિયાએ ન્યૂઝીલેન્ડની ઝંઝાવાતી ઈનિંગ પર લગામ લગાવી હતી.