કોરોના વાયરસનાં કારણે વિશ્વભરમાં કોહરામ મચી ગયો છે. IPL થશે કે નહીં તેના પર પણ આશંકાઓ વ્યક્ત કરવામાં આવી રહી છે. વિવિધ ખેલાડીઓ પણ લોકોને કોરોના વાયરસથી બચવા સંદેશ આપી રહ્યા છે ત્યારે હાર્દિક પંડ્યાનો એક વીડિયો વાયરલ થઇ રહ્યો છે. આ વીડિયોમાં ગર્લફ્રેન્ડ અને ભાઈ-ભાભી સાથે ડાન્સ કરતા દેખાઈ રહ્યા છે.
કોરોના વાયરસનાં કારણે વિશ્વનાં 2 લાખ લોકો સંક્રમિત
કૃણાલ પંડ્યાની પત્ની પંખુડી શર્માએ સોશિયલ મીડિયામાં વીડિયો શેર કર્યો. વીડિયોમાં હાર્દિક પરિવાર સાથે નાચતા દેખાઈ રહ્યા છે. પંખુડીએ વીડિયોમાં લખ્યું છે કે સુરક્ષિત રહો અને સકારાત્મક રહો.
ઈન્સ્ટાગ્રામ પર શેર કરવામાં આવેલ વીડિયોમાં હાર્દિક પંડ્યા અને તેમની ગર્લફ્રેન્ડ નતાશા સ્ટાનકૉવિચ નાચતા દેખાઈ રહ્યા છે. કૃણાલ અને હાર્દિક પોતાની જીવનસાથી સાથે બિન્દાસ ડાન્સ કરતો વીડિયો સોશિયલ મીડિયામાં વાયરલ થઇ રહ્યો છે. બધાની આંખો પર ચશ્માં પણ દેખાઈ રહ્યા છે. નોંધનીય છે કે કોરોના વાયરસનાં કારણે દેશભરમાં ભયનો માહોલ છે. એવામાં હાર્દિક પંડ્યાનો આ બિન્દાસ અંદાજ ફરી એકવાર બધાને ખૂબ ગમી રહ્યો છે.
નોંધનીય છે કે ઘણા સમય ટીમની બહાર રહ્યા બાદ સાઉથ આફ્રિકા સામેની સીરીઝમાં હાર્દિકને સ્થાન મળ્યું હતું. જોકે તે સીરીઝમાં પહેલી મેચ વરસાદનાં કારણે અને બાકીની મેચ કોરોના વાયરસનાં કારણે રદ્દ કરી દેવામાં આવી હતી. હવે ક્રિકેટમાં વાપસી કરવા માટે હાર્દિક પંડ્યાએ હજુ રાહ જોવી પડશે.
દેશમાં કોરોના વાયરસનો કહેર દિવસે દિવસે વધી રહ્યો છે. વિવિધ રાજ્ય સરકારો દ્વારા તકેદારીના ભાગ રૂપે મોટા પગલાઓ લેવામાં આવી રહ્યા છે. વિશ્વમાં કોરોના વાયરસથી સંક્રમિત દર્દીઓની સંખ્યા 2 લાખને વટાવી ગઈ છે. કોરોના વાયરસ અત્યાર સુધી 7 હજાર લોકોનાં ભોગ લઇ ચુક્યું છે.