ટીમ ઇન્ડિયામાં કમબેક કરવા માટે તૈયારી કરી રહેલા ઑલરાઉન્ડર હાર્દિક પંડ્યાએ ગત 3 મહિનામાં 7 કિલો વજન વધાર્યુ છે. તાજેતરમાં જ સોશ્યલ મીડિયા પ્લેટફોર્મ પર હાર્દિકે 2 ફોટો શૅર કરી છે. પાછલા વર્ષે સપ્ટેમ્બરમાં ટીમ ઇન્ડિયા માટે રમતો જોવા મળેલા હાર્દિક ત્યારથી જ ઇજા પછી ટીમમાંથી બહાર ચાલી રહ્યો છે.
લોએર બેકની સર્જરી કરાવ્યા પછી હાર્દિક ગત 6 મહિનાથી ટીમમાંથી બહાર છે. હાર્દિક પોતાની ફોટો પોસ્ટ કરીને 3 મહિનામાં 68 કિલોમાંથી પોતાનું વજન વધારીને 75 કિલો કરી દીધુ છે.
26 વર્ષના હાર્દિકે લખ્યુ કે, ''3 મહિનામા 68 કિલોમાંથી 75 કિલો, અટક્યા વિનાની મહેનત અને શોર્ટકટ નહી.'' આ સાથે જ હાર્દિકે પોતાની પોસ્ટમાં હેશટેગ આપ્યુ- સ્ટ્રોન્ગર એન્ડ બેટર.
2018 માં એશિયા કપ દરમિયાન હાર્દિક ઇજાગ્રસ્ત થયો હતો. જે પછી તે ટીમમાંથી અંદર બહાર થતો રહ્યો છે. ગત વર્ષે ઓક્ટોબરમાં હાર્દિક લંડનમાં લોઅર બેકની સર્જરી કરાવી હતી.
કરિયરમાં 11 ટેસ્ટ, 54 વનડે અને 40 T-20 ઇન્ટરનેશનલ મેચ રમી ચૂકેલા હાર્દિકે પાછલા વર્ષે સપ્ટેમ્બરમાં ઇન્ટરનેશનલ મેચ રમતો જોવા મળ્યો હતો. તેણે સપ્ટેમ્બર 2019 માં બેંગ્લોરમાં સાઉથ આફ્રિકા વિરુદ્ઘ પોતાની છેલ્લી T-20 મેચ રમી હતી, જેમાં તેણે 14 રન બનાવ્યા હતા અને 1 વિકેટ લીધી,