ટીમ ઇન્ડિયાના ઓલરાઉન્ડર હાર્દિક પંડ્યા ક્રિકેટની જગ્યા પોતાની ફિયાન્સી સાથે રોમેન્ટિક સમય પસાર કરવા અને લેવિશલાઇફસ્ટાઇલને કારણે વધારે ચર્ચામાં છે. ક્રિકેટર હાર્દિક પંડ્યા હંમેશા તેની સ્ટાઇલ અને મોંઘી બ્રાન્ડ્સના કારણે પણ ચર્ચામાં રહે છે. ત્યારે કોરોના સંકટમાં જ્યારે બધાં ખેલાડીઓ ઘરમાં બંધ છે, આ દરમિયાન તેમના ઘણાં ફોટોઝ અને વીડિયો સોશિયલ મીડિયા પર જોવા મળી રહ્યાં છે. ત્યારે હાલમાં જ હાર્દિકે ફિયાન્સી નતાશા સ્તાંકોવિક સાથે એક ડાંસ વીડિયો શેર કર્યો હતો. જેમાં તેનો ભાઈ ક્રુણાલ પંડ્યા અને ભાભી પંખુડી પણ સાથે છે.
હાર્દિકે હાલમાં જ સોશિયલ મીડિયા પર એક તસ્વીર શેર કરી હચી. જેમાં તે ભાઈ ક્રુણાવનો બર્થડે વિશ કરી રહ્યો છે. આ તસવીરમાં તેની મોંધી વૉચ બધાંનું ધ્યાન ખેંચ્યું છે. હાર્દિકે રોલેક્સની ડાઈટોના 116588TBR આઈ ઓફ ધ ટાઈગર વૉચ પહેરી છે. ઓઈસ્ટરફ્લેક્સ સ્ટ્રેપ આ વૉચની કિંમત 1,01,25,000 રૂપિયા છે. બ્રાન્ડ્સ મામલે હાર્દિક ટીમ ઈન્ડિયાનો સૌથી સ્ટાઈલિશ ખેલાડી છે.
જોકે, આ પોસ્ટ પછી હાર્દિકના ફેન્સે તેની પર નિશાન સાધ્યું છે. ફેન્સ કમેન્ટ કરી રહ્યાં છે કે, આ લોકો માત્ર દેખાડા માટે લોકોને ઘરમાં રહેવાની અપીલ કરે છે. આ લોકો તો પોતાની રહીસી દેખાડવામાં વ્યસ્ત છે. એક ફેને કહ્યું- કરોડ રૂપિયાની વૉચ પહેરી છે હાર્દિક પરંતુ કોરોના પીડિતો માટે દાનમાં એક રૂપિયો પણ આપ્યો નથી.
Happy birthday bhai ❤️ We’re looking after each other in isolation so here’s my zero calorie cake gift for you 😜 Love you loads 😘 @krunalpandya24pic.twitter.com/j17grweUHr
એક અન્ય ફેને લખ્યું-આ લોકો આટલા ધનિક હોવા છતાં પ્રધાનમંત્રી ભંડોળમાં દાન કેમ નથી આપતા. આ લોકોએ દેખાડો કરવાની જગ્યાએ લોકોની મદદ માટે આગળ આવવું જોઈએ.
કોરોનાના કહેર વચ્ચે ક્રિકેટરો પરિવાર સાથે વિતાવી રહ્યા છે સમય
કોરોના વાયરસને કારણે સાઉથ આફ્રિકા સામેની વનડે સીરિઝ રદ્દ કરવામાં આવી હતી અને આઈપીએલના આયોજન અંગે પણ શંકા છે, પરંતુ ટીમ ઈન્ડિયાના ક્રિકેટરો આ મુશ્કેલ સમયમાં પરિવાર સાથે સમય વિતાવી રહ્યા છે. સાઉથ આફ્રિકા સામેની વનડે સીરિઝ રદ્દ થવાને કારણે પંડ્યા આંતરરાષ્ટ્રીય ક્રિકેટમાં વાપસી કરી શક્યો ન હતો.