Asia Cup 2022 / રડાવી દેશે આ તસવીર, 4 વર્ષ પહેલા આ જ મેદાન પર સ્ટ્રેચર પર હતો પંડ્યા, ઝીરોમાંથી બની ગયો હીરો

• ભારત એશિયા કપ 2022માં પાકિસ્તાનની સામે 5 વિકેટથી જીત્યું
• પ્લેયર ઑફ ધ મેચ હાર્દિક પંડ્યાએ ત્રણ વિકેટ લીધી
• આ મેદાનમાં એક સમયે હાર્દિક પંડ્યા થયા હતા ઈજાગ્રસ્ત

ભારતીય ટીમ પાકિસ્તાન સામે 5 વિકેટથી જીત્યું

ચાર વર્ષ પહેલા એશિયા કપમાં પાકિસ્તાન સામેની મેચમાં આ દુબઈના મેદાન પર હાર્દિક પંડ્યાને ગંભીર ઈજા પહોંચી હતી. ભારતીય ટીમના સ્ટાર ઑલરાઉન્ડર હાર્દિક પંડ્યાએ રવિવારે શાનદાર પ્રદર્શન કરી પાકિસ્તાનને કારમી હાર આપી હતી. પંડ્યાના પ્રદર્શનના આધારે ભારતીય ટીમે એશિયા કપ 2022માં પોતાની પહેલી મેચ પાકિસ્તાન સામે 5 વિકેટથી જીતી. 

દુબઈ આંતરરાષ્ટ્રીય સ્ટેડિયમમાં રમવામાં આવી મેચ 

આ મેચ યુએઈના દુબઈ આંતરરાષ્ટ્રીય સ્ટેડિયમમાં રમવામાં આવી. આ મેચમાં હાર્દિકે પહેલી બોલિંગમાં 25 રન આપીને ત્રણ વિકેટ ગુમાવી. ત્યારબાદ બેટીંગમાં 17 બોલમાં નોટઆઉટ રહીને 33 રન બનાવીને ટીમને જીત અપાવી. પંડ્યા અંતમાં છગ્ગો મારીને મેચ જીતી ગયા. તેમને પ્લેયર ઑફ ધ મેચ તરીકે પસંદ કરવામાં આવ્યાં. 

4 વર્ષ પહેલા આ મેદાનમાં ઈજાગ્રસ્ત થયા હતા હાર્દિક પંડ્યા

હાલ તેઓ મેચ જીતાડીને હીરો બની ગયા છે, પરંતુ આજથી ચાર વર્ષ પહેલા એક સમય હતો. જ્યારે આ મેદાનમાં પંડ્યાને સ્ટ્રેચર પર લઇ જવામાં આવ્યો હતો. આ મેચ પણ એશિયા કપમાં 19 સપ્ટેમ્બર 2018ના રોજ પાકિસ્તાન સામે રમવામાં આવી હતી ત્યારે એશિયા કપ વન-ડે ફોર્મેટમાં થઇ હતી. આ મેચમાં પાકિસ્તાને ટૉસ જીતીને પહેલી બેટીંગ કરી હતી ત્યારે ઈનિંગની 18મી અને પોતાની 5મી ઓવર નાખવા આવેલા હાર્દિક ગંભીર રીતે ઈજાગ્રસ્ત થયા હતા.

From @hardikpandya7's emotional Asia Cup journey to @imjadeja's solid batting display! 👍 👍

The all-rounder duo chat up after #TeamIndia win their #AsiaCup2022 opener against Pakistan - by @ameyatilak

Full interview 🎥 🔽 https://t.co/efJHpc4dBo #INDvPAK pic.twitter.com/MJOij6bDRl

— BCCI (@BCCI) August 29, 2022

હવે આ જ મેદાનમાં મેચ જીતાડીને બન્યાં હીરો 

ઓવરનો પાંચમો બોલ નાખ્યા બાદ હાર્દિક જમીન પર દુ:ખાવાની બૂમો પાડતો પડી ગયો હતો. તેને હેમસ્ટ્રીંગની ઈજા થઇ હતી. હાર્દિકને એટલો બધો દુ:ખાવો થતો હતો કે તેઓ ઉભા થઇ શકતા નહોતા ત્યારે હાર્દિકને સ્ટ્રેચર પર બહાર લઇ જવો પડ્યો હતો. તે વખતે તેઓ સ્ટ્રેચર પર પણ આંખો ખોલી શકતા નહોતા ત્યારે એવુ લાગ્યુ હતુ કે કદાચ પંડ્યાની કારકિર્દી ખત્મ થઇ ગઇ. પરંતુ હવે તેમણે ઈજામાંથી બહાર આવીને આ મેદાનમાં પાકિસ્તાન સામેની મેચ જીતાડીને હીરો બની ગયા છે.

Waqt badal diya, jazbaat badal diye pic.twitter.com/XHKHeEU9Ch

— Rajasthan Royals (@rajasthanroyals) August 28, 2022

2018માં ભારતે પાકિસ્તાનને 29 ઓવરમાં 8 વિકેટથી હરાવ્યું હતુ 

2018ના એશિયા કપમાં રમાયેલી મેચમાં ભારતીય ટીમે પાકિસ્તાનને 162 રને ઓલઆઉટ કરી દીધી હતી. ત્યારબાદ સરફરાજ અહમદની કેપ્ટનશિપવાળી પાકિસ્તાન ટીમને ભારતે 29 ઓવરમાં જ 8 વિકેટથી હરાવી હતી. મેચમાં પંડ્યાએ 4.5 ઓવરમાં 24 રન આપ્યા હતા અને કોઈ વિકેટ લીધી નહોતી ત્યારે પંડ્યાની બેટીંગ નહોતી આવી.