જોની બેરસ્ટોના રોકેટ થ્રો પર હાર્દિક રનઆઉટ થયો, ડેવિડ મિલરથી આવ્યો હાર્દિકને ગુસ્સો, વીડિયો થયો સોશિયલ મીડિયામાં વાયરલ
ગુજરાતે પંજાબને છ વિકેટે હરાવ્યું
હાર્દિક છેલ્લી ઓવરના પહેલા બોલે રન આઉટ
હાર્દિક થઇ ગયો ગુસ્સે
IPL 2022માં ગુજરાત ટાઇટન્સનું શાનદાર પ્રદર્શન ચાલુ છે. શુક્રવારે રમાયેલી મેચમાં ગુજરાતે પંજાબ કિંગ્સને છ વિકેટે હરાવ્યું હતું. મેચ દરમિયાન ઉત્સાહ બહુ જ ચરમસીમાએ હતો. છેલ્લી ઓવરના પહેલા બોલે હાર્દિક પંડ્યાના રન આઉટ થયા બાદ ગુજરાતની જીત મુશ્કેલ લાગી રહી હતી, પરંતુ રાહુલ તેવતિયાના કારનામાને ટીમને જીત અપાવી હતી.
રન આઉટ થયા બાદ હાર્દિક ગુસ્સે થઇ ગયો
ઓડિયન સ્મિથ મેચની છેલ્લી ઓવર કરી રહ્યો હતો અને ડેવિડ મિલર સ્ટ્રાઈક પર હતો. તે ઓવરના પ્રથમ બોલ પર જ મિલર સંપૂર્ણપણે પીટાઈ ગયો હતો, તેમ છતાં બંને બેટ્સમેન સ્ટ્રાઈક બદલવા દોડ્યા હતા. આ દરમિયાન વિકેટ કિપર જોની બેરસ્ટોએ વિકેટની પાછળથી ચાબુક થ્રો અને હાર્દિક પંડ્યા ક્રિઝ સુધી પહોંચી શક્યો નહીં. પેવેલિયનમાં પાછા જતા પહેલા હાર્દિક પંડ્યા સાથી ખેલાડી ડેવિડ મિલરથી ઘણો નારાજ દેખાયો હતો. હાર્દિકે રન લેવા માટે કોલ કર્યો હતો. હાર્દિક પંડ્યાની આ પ્રતિક્રિયાથી ડેવિડ મિલર પણ આશ્ચર્યચકિત થઈ ગયો હતો. આ ઘટનાનો વીડિયો સોશિયલ મીડિયા પર ખૂબ વાયરલ થઈ રહ્યો છે.
તેવતિયાએ બાજી પલટી
મેચની વાત કરીએ તો છેલ્લા બે બોલ પર ગુજરાત ટાઇટન્સને 12 રનની જરુર હતી. આવી સ્થિતિમાં રાહુલ તેવટિયાએ ઓડિયન સ્મિથના બોલ પર સતત બે સિક્સર ફટકારીને ટીમને યાદગાર જીત અપાવી હતી. ગુજરાત તરફથી ઓપનર બેટ્સમેન શુભમન ગિલે સૌથી વધુ 96 રનની ઇનિંગ રમી હતી. બીજી તરફ સાઈ સુદર્શને 35 અને કેપ્ટન હાર્દિક પંડ્યાએ 27 રનનું યોગદાન આપ્યું હતું.
મહત્વનું છે કે પહેલા ટોસ હારીને પ્રથમ બેટિંગ કરતા પંજાબ કિંગ્સે નવ વિકેટે 189 રન બનાવ્યા હતા. લિયામ લિવિંગસ્ટોને 27 બોલમાં 64 રનનું યોગદાન આપ્યું હતું. ઓપનર શિખર ધવને પણ 35 અને જીતેશ શર્માએ 23 રનનું ઉપયોગી યોગદાન આપ્યું હતું. ગુજરાત ટાઇટન્સ માટે રાશિદ ખાને ત્રણ અને દર્શન નાલકંડેએ બે સફળતા હાંસલ કરી હતી.