લાંબા સમયથી ટીમની બહાર ચાલી રહેલા હાર્દિક પંડ્યા ફરીથી વાપસી કરવામાં ખૂબ આતુર છે. હાર્દિક અત્યારે ડી વાય પાટીલ ટૂર્નામેન્ટમાં રમી રહ્યા છે. ટૂર્નામેન્ટમાં શાનદાર પ્રદર્શનની વચ્ચે હાર્દિકે ઈન્સ્ટાગ્રામ એકાઉન્ટ પર પોતાની શર્ટલેસ તસવીર શેર કરી છે જેને ખૂબ પસંદ કરવામાં આવી રહી છે. હાર્દિક પંડ્યાએ પોતાની કમરની સર્જરી કરાવ્યા બાદ 7 કિલો વજન વધાર્યું છે.
હાર્દિક પંડ્યા 6 મહિનાથી ટીમથી બહાર ચાલી રહ્યા છે અને વાપસી કરવા માટે તનતોડ મહેનત પણ કરી રહ્યા છે. હાર્દિક છેલ્લે સપ્ટેમ્બર મહિનામાં ભારત તરફથી મેચ રમતા દેખાયા હતા. લોઅર બેક સર્જરી કરાવ્યા બાદ હાર્દિક સંપૂર્ણ સ્વસ્થ છે અને મેદાન પર ધુઆંધાર બેટિંગ પણ કરી રહ્યા છે.
હાર્દિકે તસવીરની સાથે લખ્યું છે કે તેમનું વજન ત્રણ મહિનામાં 68 કિલોથી વધીને 75 કિલોગ્રામ થઇ ગયું છે. સાથે જ સ્ટ્રોંગર એન્ડ બેટરનું હેશટેગ પણ કર્યું છે.
ગયા વર્ષે હાર્દિકે લંડનમાં સર્જરી કરાવી હતી. ડી વાય પાટીલ ટી 20 ટૂર્નામેન્ટમાં તાબડતોડ સદી પણ ફટકારી હતી. આશા છે કે સાઉથ આફ્રિકા સામેની સીરીઝમાં હાર્દિક પંડ્યાને ટીમમાં સામેલ કરી શકાય છે.
નોંધનીય છે કે હાર્દિકની સગાઇને પણ ત્રણ મહિના થઇ રહ્યા છે ત્યારે તેમની આ તસવીર પર ઘણા ચાહકોએ કોમેન્ટ કરી હતી કે હાર્દિકનું વજન વધવું એ સગાઈની જ સાઈડ ઈફેક્ટ છે.