ગુજરાત ટાઈટન્સ માટે સારા સમાચાર છે. ગુજરાત ટાઈટન્સનાં કેપ્ટન અને ઓલરાઉન્ડર હાર્દિક પંડ્યાએ યો-યો ટેસ્ટ પાસ કરી છે જ્યારે દિલ્લી કેપિટલ્સનાં પૃથ્વી શૉ ફેલ થયા છે, જાણો વિગતવાર
હાર્દિક પંડ્યાએ કરી યો-યો ટેસ્ટ પાસ
દિલ્લી કેપિટલ્સનાં પૃથ્વી શો થયા ફેલ
પૃથ્વી શો થયા ફેલ , પરંતુ રમી શકશે IPL
હાર્દિક પંડ્યાએ કરી યો-યો ટેસ્ટ પાસ
IPL 2022ની શરૂઆત પહેલા ગુજરાત ટાઈટન્સ માટે સારા સમાચાર છે. ગુજરાત ટાઈટન્સનાં કેપ્ટન અને ઓલરાઉન્ડર હાર્દિક પંડ્યાએ યો-યો ટેસ્ટ પાસ કરી છે. બેંગ્લોર સ્થિત નેશનલ ક્રિકેટ અકાદમી (NCA)માં થયેલ આ ટેસ્ટ હાર્દિકે પાસ કરી અને હવે તેમને IPL રમવાની મંજૂરી મળી ગઈ છે. જોકે દિલ્લી કેપિટલ્સનાં પૃથ્વી શો આ ટેસ્ટ પાસ કરી શક્યા નથી.
દિલ્લી કેપિટલ્સનાં પૃથ્વી શો થયા ફેલ
BCCIનાં કેન્દ્રીય અનુબંધ સાથે જોડાયેલ બધા ખેલાડીઓએ IPLમાં હિસ્સો લેવા માટે ફિટનેસ ટેસ્ટ પાસ કરવી જરૂરી હતી. ટી20 વર્લ્ડકપ 2021 બાદથી હાર્દિક પંડ્યા મેદાનથી દૂર હતા, આવામાં તેમના માટે આ ફિટનેસ ટેસ્ટ ઘણી મહત્વપૂર્ણ રહી છે.
હાર્દિક પંડ્યાએ ફિટનેસ ટેસ્ટ દરમિયાન બોલિંગ પણ કરી છે. એનસીએએ તેમના માટે બોલિંગ જરૂરી કરી ન હતી, પરંતુ હાર્દિકે પોતે જ અમુક ઓવર નાંખી. હાર્દિકે 135 kmphની રફતારથી બોલિંગ કરી, સાથે જ યો-યો ટેસ્ટમાં 17થી વધારે પોઈન્ટ બનાવ્યા.
પૃથ્વી શો થયા ફેલ , પરંતુ રમી શકશે IPL
દિલ્લી કેપિટલ્સનાં પૃથ્વી શો આ ટેસ્ટમાં ફેલ થયા છે. જોકે આ દિલ્લી કેપિટલ્સ માટે એક મોટો ઝટકો છે. પરંતુ કેમકે પૃથ્વી શો હવે BCCIનાં કેન્દ્રીય અનુબંધિત ખેલાડીઓનાં લિસ્ટમાં નથી, એટલે ટેસ્ટમાં ફેલ થયા બાદ પણ તેઓ IPLમાં હિસ્સો લઇ શકશે.
પૃથ્વી શો સતત રણજી મુકાબલામાં રમીને આવ્યા છે, આવામાં તેઓ પહેલાથી જ ફીટ છે. ગયા લાંબા સમયથી પૃથ્વી શો ફોર્મ સાથે ઝઝૂમી રહ્યા હતા, સાથે જ ફિટનેસ પર તેઓ સક્ષમ સાબિત થઇ રહ્યા ન હતા, એટલા માટે સિનીયર ટીમમાં તેમના માટે જગ્યા બનાવવી અઘરી હતી.