ક્રિકેટર હાર્દિક પંડ્યાએ વેલેન્ટાઈન ડેના દિવસે પત્ની નતાશા સ્ટેનકોવિક સાથે ફરીથી લગ્ન કર્યા છે. બંનેના આ લગ્ન ક્રિશ્ચિયન રીતિ-રિવાજ પ્રમાણે થયા છે. લગ્નની તસ્વીરો અને વીડિયો સોશિયલ મીડિયામાં વાયરલ થઇ રહ્યાં છે. જેને પ્રશંસકો ખૂબ પસંદ કરી રહ્યાં છે.
હાર્દિક પંડ્યાએ વેલેન્ટાઈન ડેના દિવસે પત્ની નતાશા સાથે ફરીથી લગ્ન કર્યા
તસ્વીરો અને વીડિયો સોશિયલ મીડિયામાં વાયરલ
હાર્દિક અને નતાશાએ આ લગ્ન ક્રિશ્ચિયન રીતિ-રિવાજ પ્રમાણે કર્યા
હાર્દિક અને નતાશાએ ઉદયપુરમાં ફરીથી લગ્ન કર્યા
હાર્દિક અને નતાશાએ ઉદયપુરમાં ફરીથી લગ્ન કર્યા છે. લગ્નની આ તસ્વીરોમાં હાર્દિક અને નતાશા પોતાના બે વર્ષના પુત્રને પણ તેડીને ઉભા છે. સોશિયલ મીડિયામાં હવે પ્રશંસકોનુ પણ રિએક્શન સામે આવી રહ્યું છે. હાર્દિક અને નતાશાના લગ્નના આ પ્રેમભર્યા વીડિયો પર એક નજર કરીએ.
પ્રેમના રંગમાં રંગાયા હાર્દિક-નતાશા
હાર્દિક પંડ્યા અને નતાશા સ્ટેનકોવિકે આ લગ્ન ક્રિશ્ચિયન રીતિ-રિવાજ પ્રમાણે કર્યા છે. હાર્દિક અને નતાશાના લગ્નમાં તેમનો બે વર્ષનો પુત્ર અતિથિ બનીને સામે આવ્યો છે. આ લગ્ન ઘણા તબક્કે ખાસ રહ્યાં છે. આ દરમ્યાન લગ્નની તસ્વીરો અને વીડિયોમાં નતાશા અને હાર્દિક પ્રેમના રંગમાં ગળાડૂબ જોવા મળી રહ્યાં છે. એકબાજુ જ્યા નતાશા સફેદ રંગના ડ્રેસમાં સુંદર દેખાઈ રહી છે, તો હાર્દિક પંડ્યા બ્લેક શૂટમાં હેન્ડમસ દેખાઈ રહ્યો છે. આની પહેલા નતાશા અને હાર્દિકે વર્ષ 2020માં લોકડાઉન દરમ્યાન લગ્ન કર્યા હતા જ્યારે લગ્નમાં વધુ લોકો જોડાયા ન હતા. જો કે, અત્યારે પણ બંનેના પરિવાર અને નજીકના મિત્રો વચ્ચે જ લગ્ન થયા છે.
હાર્દિક પંડ્યાનો પુત્ર અગસ્તયા પોતાના માતા-પિતાના લગ્નમાં ખૂબ ખુશ દેખાઈ રહ્યો છે. પુત્રની સાથે હાર્દિક અને નતાશાનો ફોટો ખૂબ સુંદર દેખાઈ રહ્યો છે. હાર્દિકની આ તસ્વીરો પર તેના નજીકના મિત્ર કેએલ રાહુલે પણ કોમેન્ટ કરી તેમને શુભેચ્છા આપી છે. 14 ફેબ્રુઆરીએ વેલેન્ટાઈન ડેના દિવસે ફરી વખત લગ્ન કરવાનો આ વિચાર પ્રશંસકોને ખૂબ પસંદ આવી રહ્યો છે.