લૉર્ડ્સની ટેસ્ટમાંથી બહાર થઇ જશે આ હાર્દિક પંડ્યા કારણ જાણીને ચોંકી જશો

ઇંગ્લેન્ડ અને ખાસ કરીને રાજધાની લંડનમાં આ સમયે અતિશય ગરમી પડી રહી છે.  છેલ્લા કેટલાક દિવસથી ત્યાનું તાપમાન 25થી30 ડિગ્રીની આસપાસ છે. મંગળવારે તો લંડનનું મહત્તમ તાપમાન 30 ડિગ્રીની ઉપર નીકળી ગયું. જોકે સાંજે ત્યાં થોડો વરસાદ થયો. ઉલ્લેખનીય છે કે ભારત-ઈંગ્લેન્ડની બીજી ટેસ્ટ મેચ ગુરુવારે લૉર્ડ્ઝ સ્ટેડિયમમાં રમાવાની છે. પણ આ ટેસ્ટમાં ટીમનો સ્ટાર ઓલરાઉન્ડર હાર્દિક પંડ્યા બહાર થઈ શકે છે.

લંડનના ગ્રાઉન્ડ સ્ટાફને્ પિચમાં જરૂરી ભેજ જાળવી રાખવા માટે ખૂબ જ મહેનત કરવી પડી રહી છે. આવામાં ઇન્ડિયન ટીમ મેનેજમેન્ટ બીજી ટેસ્ટમાં ઑફ સ્પિનર રવિચંદ્રન અશ્વિનની સાથે વધુ એક સ્પિનરને રમાડવાનું વિચારી રહી છે. જોકે આ બધુ ગુરુવારના વાતાવરણ પર નિર્ભર કરશે. ટીમ ઇન્ડિયા 2 સ્પિન બૉલર્સની સાથે ઉતરશે તો હાર્દિકનું બહાર બેસવું લગભગ નક્કી થઇ જશે. હાર્દિકે પ્રથમ ટેસ્ટની બીજી ઈનિંગમાં 31 રનની ઉપયોગી ઈનિંગ રમી હતી પણ તે ટેસ્ટમાં એકપણ વિકેટ ઝડપી શક્યો નહોતો.

પાંચ ટેસ્ટ મેચોની સીરિઝમાં ટીમ ઇન્ડિયા 0-1ની પાછળ છે અને છેલ્લા કેટલાક વર્ષોની વાત કરીએ તો અત્યારે લંડનમાં સૌથી વધુ ગરમી પડી રહી છે. આવી જ ગરમી 1976માં વેસ્ટઈન્ડિઝ અને ઈંગ્લેન્ડ વચ્ચેની મેચમાં જોવા મળી હતી પણ તે મેચ જૂનમાં રમાઈ હતી. જોકે હવામાન વિભાગ અનુસાર આગામી બે દિવસમાં લંડનનું તાપમાન ઘટી શકે છે. આવામાં ઈન્ડિયન ટીમ મેનેજમેન્ટ ખૂબ સમજી-વિચારીને પગલાં ભરી રહ્યું છે. અત્યારે તેની પાસે તમામ વિકલ્પો ખુલ્લા છે. બર્મિંઘમ ટેસ્ટમાં અશ્વિને સાત વિકેટ ઝડપી હતી જ્યારે ત્યાં મેચની પહેલા વરસાદ થયો હતો. અશ્વિને બંને ઈનિંગમાં ઈંગ્લેન્ડના ટૉપ ઓર્ડરને પેવેલિયન મોકલ્યો હતો.

ટીમ ઇન્ડિયા અશ્વિનની સાથે સાથે રવિન્દ્ર જાડેજા અને ચાઇનામેન કુલદીય યાદવને ઇંગ્લેન્ડના પ્રવાસ પર લઇ ગઇ છે. જો ટીમ બે સ્પિનર્સને રમાડશે તો બીજી ટેસ્ટમાં જાડેજા પ્લેઈંગ ઈલેવનમાં હોઈ શકે છે. આવામાં હાર્દિક પડ્યાં ટીમની બહાર થઈ શકે છે. આ ઉપરાંત ગરમીને કારણે પીચ સૂકી થઈ રહી છે જેનાથી આ મેચમાં ફાસ્ટ બોલર્સને રિવર્સ સ્વિંગ મળશે અને મોહમ્મદ શમીને ફાયદો થઈ શકે છે.