ક્રિકેટ / હાર્દિક પંડયાએ વાપસી કરતા જ બતાવી દીધો પોતાનો ઓલરાઉન્ડર પાવર

• ટીમ ઈન્ડિયાના સ્ટાર ઓલરાઉન્ડર હાર્દિકે ધમાકેદાર વાપસી કરી
• ધવન અને ભુવી પર ઈજા પછી પરત ફર્યા
• પંડ્યા છેલ્લે ભારત તરફથી દક્ષિણ આફ્રિકા સામેની ટી-20 શ્રેણીમાં રમ્યો હતો

પંડ્યા છેલ્લે ભારત તરફથી દક્ષિણ આફ્રિકા સામેની ટી-20 શ્રેણીમાં રમ્યો હતો. તેણે ઈંગ્લેન્ડ સામે સપ્ટેમ્બર 2018માં છેલ્લી ટેસ્ટ રમી હતી. રિલાયન્સ વન ટીમની ટીમમાંથી ચોથા ક્રમ પર રમી રહેલાં હાર્દિકે બેંક ઓફ બરોડા સામેની ઇનિંગ્સમાં એક ચોગ્ગો અને ચાર છગ્ગા ફટકાર્યા હતા. તેણે સૌરભ તિવારી (41) સાથે ત્રીજી વિકેટ માટે 53 રન જોડ્યા હતા.

રિલાયન્સ વનએ  આઠ વિકેટ પર 150 રન બનાવ્યા. જેના જવાબમાં બેન્ક ઓફ બરોડાની ટીમ 125 રનમાં આઉટ થઈ હતી. રિલાયન્સે 25 રને મેચ જીતી લીધી હતી. ભારતના લેગ સ્પિનર રાહુલ ચાહરે ટી 20 ફોર્મેટમાં 15 રન આપીને પાંચ વિકેટ લીધી હતી.

ધવન અને ભુવી પર ઈજા પછી પરત ફર્યા

અન્ય ભારતીય ક્રિકેટરો શિખર ધવન અને ઝડપી બોલર ભુવનેશ્વર કુમાર પણ ઈજા બાદ મેચમાં વાપસી કરી હતા. પંડ્યાની જેમ ધવન અને ભુવીની પણ ઈજામાંથી સ્વસ્થ થયા પછી આ પહેલી મેચ હતી. ઓસ્ટ્રેલિયા સામેની વનડે સીરિઝ દરમિયાન ધવનને ખભામાં ઇજા થઈ હતી, જ્યારે ભુવનેશ્વરને હર્નીયાનું ઓપરેશન થયું હતું, જેના કારણે તે ડિસેમ્બરથી રમ્યો નથી. ભુવનેશ્વરે ત્રણ ઓવરમાં 14 રન બનાવ્યા હતા. જ્યારે ધવને 14 રનનું યોગદાન આપ્યું હતું.