ટીમ ઇન્ડિયા અને મુંબઇ ઇન્ડિયન્સના પ્લેયર હાર્દિક પંડ્યા પોતાની રમતની સાથે સાથે લાઇફસ્ટાઇલ માટે પણ ફેમસ છે. હાર્દિકની પત્ની નતાશા પણ સ્ટાઇલિશ છે.
હાર્દિક પંડ્યાના શાનદાર શોખ
કરોડોની ઘડિયાળ પહેરે છે હાર્દિક
દુબઇમાં પણ ફ્લોન્ટ કરી હતી પોતાની વૉચ
હાલમાં હાર્દિક પંડ્યા IPL2021 માટે દુબઇ પહોંચી ગયો છે. હાર્દિક પોતાના મોંઘા શોખ માટે જાણીતો છે. તેણે Patek Philippe Nautilus Platinum 5711 બ્રાંડની એક ઘડિયાળ પહેરી છે. તે સિવાય દુબઇમાં તેનો નાઇટ ડ્રેસ પણ ઘણો ટ્રેન્ડમાં છે.
હાર્દિક પંડ્યા તેના ખેલ સિવાય સ્ટાઇલમાં પણ આગળ છે. તે શું પહેરે છે, કઇ સ્ટાઇલ ફોલો કરે છે તે બધી વસ્તુ જાણવામાં ફેન્સને રસ હોય છે. હાલમાં હાર્દિકે રોલ્સ રૉયસ કલિનનમાં ટેન્ક ટીશર્ટ, એક ટોપી અને ચશ્મા પહેરેલી તસવીરો શૅર કરી હતી. આ તસવીરમાં સૌની નજર ઘડિયાળ પર અટકી ગઇ હતી કારણકે તે Philippe Nautilus Platinum 5711 બ્રાંડની ઘડિયાળ છે અને તેની કિંમત 5 કરોડ રૂપિયાથી પણ વધારે છે.
માત્ર એટલું જ નહી મુંબઇ ઇન્ડિયન્સે સોશ્યલ મિડીયા પર પંડ્યા બ્રધર્સની એક તસવીર શૅર કરી છે. જેમાં બંને ભાઇ વાદળી રંગના નાઇટ સુટમાં નજર આવી રહ્યાં છે. સાધારણ દેખાવવાળા આ નાઇટ ડ્રેસની કિંમત લાખો રૂપિયામાં છે.
તમને જણાવી દઇએ કે હાર્દિકને ઘડિયાળનો શોખ છે અને તે હંમેશા પોતાની મોંઘી ઘડિયાળ ફ્લોન્ટ કરતા નજર આવે છે. ગયા વર્ષે દુબઇમાં એક ફોટો શૂટ દરમિયાન પાટેક ફિલિપની નોટિલુસ ક્રોનોગ્રાફ 5980/10R-010 પહેરેલો દેખાયો હતો.
આ ઘડિયાળમાં કુલ 53 હીરા લાગેલા છે જેમાં ઘડિયાળના ફેસ પર 9, ડાયલ પર 32 અને સ્ટ્રેપ પર 6-6 ડાયમંડ લાગેલા છે. આ ઘડિયાળની કિંમત 1.65 કરોડ રૂપિયા હતી. જે બાદ હાર્દિકે 5 કરોડ રૂપિયાની ઘડિયાળ ખરીદી હતી.
2019માં તેણે પીઠની સર્જરી કરાવી હતી ત્યારે પણ તેની ઘડિયાળે લોકોને આકર્ષિત કર્યા હતા. તે ઘડિયાળની કિંમત પણ 81 લાખ રૂપિયા હતી.
ઘડિયાળ સિવાય હાર્દિકને ડાયમંડનો પણ ખુબ શોખ છે. તે હંમેશા કાનમાં ડાયમંડ પહેરે છે તે સાથે ગળાની ચેનથી લઇને ઘડીયાળ સુધીમાં હીરા જડેલા છે. જેની કિંમત પણ કરોડોમાં છે.
હાર્દિકના લગ્ઝરી શોખમાં તેની ગાડીઓ પણ સામેલ છે. 2019 એપ્રિલમાં તેણે મર્સિડીઝ MMG G63નું લેટેસ્ટ મોડલ ખરીદ્યું હતુ. તેની પાસે પેલેડિયમ સિલ્વર મેટાલિક રંગની જી63 અને Audi A6 35 TDI સેડાન, લેન્ડ રોવર રેન્જ રોવર, લેમ્બરગિની હુરાકેન EVO RWD પણ છે.