યજમાન ઑસ્ટ્રેલિયા સામે ત્રણ ટી -20 મેચની શ્રેણીમાં હાર્દિક પંડ્યા અને ટી નટરાજનનો દબદબો હતો. પંડ્યાએ બેટથી અને નટરાજને બોલથી કોહરામ મચાવ્યો હતો. આ સીરિઝીમાં હાર્દિક પંડ્યાએ ટીમ માટે સારા ફિનિશરની ભૂમિકા ભજવી હતી.
હાર્દિક પંડ્યા અને ટી નટરાજનનો ટી -20 મેચમાં દબદબો
બીજી ટી -20 મેચમાં તેણે અણનમ 42 રન બનાવીને ટીમને જીત અપાવી હતી, જ્યારે તેની કારકિર્દીની પહેલી ટૂર પર નટરાજને પ્રથમ ટી 20 મેચમાં ત્રણ વિકેટ લીધી હતી, જ્યારે ત્રીજી અને છેલ્લી મેચમાં એક વિકેટ ઝડપી હતી. જો કે ત્રીજી ટી 20 મેચમાં ભારતને 12 રને હારનો સામનો કરવો પડ્યો હતો, પરંતુ ટીમ ઈન્ડિયાએ શ્રેણી 2-1થી જીતી લીધી હતી અને પંડ્યા 'મેન ઓફ ધ સિરીઝ' બન્યો હતો. જો કે, તેણે પોતાનું મન મોટું રાખીને નટરાજનને પોતાનો 'મેન ઓફ ધ સિરીઝ' એવોર્ડ આપી દીધો હતો.
પંડ્યા પણ નટરાજનથી થયો પ્રભાવિત
હકીકતમાં, આખી ટીમ સાથે પંડ્યા પણ નટરાજનથી ખૂબ પ્રભાવિત છે, જેણે ઑસ્ટ્રેલિયા સામેની ત્રીજી વનડે મેચથી આંતરરાષ્ટ્રીય ક્રિકેટમાં પ્રવેશ કર્યો છે.
નટરાજન બાકીના બોલરોની તુલનામાં એકદમ ઈકોનોમિક સાબિત થયો
ઉલ્લેખનીય છે કે બીજી ટી -20 મેચનો 'મેન ઓફ ધ મેચ' પંડ્યાએ તે સમયે પણ કહ્યું હતું કે તે આ એવોર્ડ માટે હું હકદાર નથી, નટરાજનને આ એવોર્ડ મળવો જોઇએ. તે સમયે જે ન થઈ શક્યું તે પંડ્યાએ સિરીઝ પૂરી થયા બાદ કરી બતાવ્યું. બીજી ટી -20 મેચમાં ટી નટરાજન બાકીના બોલરોની તુલનામાં એકદમ ઈકોનોમિક સાબિત થયો હતો. તેણે 5ની ઇકોનોમી સાથે 4 ઓવરમાં 20 રન જ આપ્યા હતાં અને બે વિકેટ ઝડપી હતી.
મેન ઓફ ધ સિરીઝ બન્યા પછી પંડ્યાએ કહ્યું, 'હું ખૂબ જ ખુશ છું. પરંતુ આ કોઈ એક વ્યક્તિની નહીં પરંતુ આખી ટીમની કોશિશ હતી.