કોરોના વાયરસને કારણે ભારતમાં લોકડાઉન ચાલી રહ્યું છે. જેના કારણે બધાં જ ઘરમાં કેદ છે. કોરોનાને કારણે હમેશાં બિઝી રહેતાં ક્રિકેટરો પણ ઘરમાં જ સમય વિતાવી રહ્યાં છે. જેથી મોટાભાગના ક્રિકેટરો પહેલાં કરતાં સોશિયલ મીડિયા પર વધુ એક્ટિવ રહેવા લાગ્યા છે. ટીમના ઓલરાઉન્ડર ખેલાડી હાર્દિક પંડ્યા આ લોકડાઉનમાં પોતાના પરિવાર અને મંગેતર નતાશા સ્ટાનકોવિચ સાથે સમય વિતાવી રહ્યો છે.
કોરોનાને કારણે ક્રિકેટરો ઘરમાં થયા કેદ
સોશિયલ મીડિયા પર હાર્દિકે શેર કર્યો ફની વીડિયો
લોકડાઉનમાં મંગેતર સાથે સમય વિતાવી રહ્યો છે હાર્દિક
હાર્દિક પંડ્યા હમેશાં સોશિયલ મીડિયા પર વીડિયો અને તસવીરો શેર કરતો રહે છે. હાલમાં જ તેણે મંગેતર નતાશા સાથે એક વીડિયો શેર કર્યો છે જે ફેન્સને ખૂબ જ પસંદ આવી રહ્યો છે. આ વીડિયોમાં હાર્દિક નતાશાને પૂછે છે, બેબી મેં ક્યા હૂં તેરા, પંડ્યાના આ સવાલના જવાબમાં હિન્દીમાં નતાશા કહે છે જિગર કા ટુકડા. આટલું કહીને નતાશા હસવા લાગે છે અને હાર્દિક પણ હસવા લાગે છે.
હાર્દિક પંડ્યાની મંગેતર નતાશા સર્બિયાની રહેવાસી છએ. બંનેએ આ વર્ષે જ જાન્યુઆરીમાં એન્ગેજમેન્ટ કરી લીધા. હાર્દિકે નતાશાને લગ્ન માટે પ્રપોઝ કરી હતી. જેની તસવીરો ખૂબ વાયરલ થઈ હતી. આ પછીથી આ બંને અનેક ઈવેન્ટ્સ અને સોશિયલ મીડિયા પર સાથે જોવા મળે છે.
તમને જણાવી દઈએ કે હાલ કોરોનાએ વિશ્વમાં કહેર વર્તાવ્યો છે. 180થી વધુ દેશો આ મહામારીની ચપેટમાં આવી ગયા છે. અત્યાર સુધી એક લાખથી વધુ લોકો જીવ ગુમાવી ચૂક્યા છે અને વિશ્વમાં 17 લાખથી વધુ લોકો આ વાયરસથી સંક્રમિત છે. જ્યારે ભારતમાં આ વાયરસથી સંક્રમિતોની સંખ્યા 1000 વટાવી ચૂકી છે.