ભારતને પાકિસ્તાન સામેની મેચ જીતાડનાર બે ખેલાડીઓ વિરાટ કોહલી અને હાર્દિક પંડ્યા ખૂબ ઈમોશનલ થયા હતા અને રડી પડ્યાં હતા.
પાકિસ્તાન જીત બાદ ઈમોશનલ થયા ખેલાડીઓ
કોહલી બાદ હવે હાર્દિક પંડ્યા થયો ઈમોશનલ
લાઈવ ઈન્ટરવ્યુમાં ધ્રૂસકે ધ્રૂસકે રડી પડ્યો
દિવંગત પિતાને યાદ કરીને રડી પડ્યો
પાકિસ્તાન સામેની જીતનો પાયો નાખનાર બે ખેલાડીઓ વિરાટ કોહલી અને હાર્દિક પંડ્યા જીત બાદ ખૂબ ઈમોશનલ બન્યાં હતા અને રડી પડ્યાં હતા. મેચમાં હાર્દિક પંડ્યાએ બોલર તરીકે ત્રણ વિકેટ ઝડપી અને બેટ્સમેન તરીકે 40 રન કર્યાં હતા.
સ્વર્ગસ્થ પિતાને યાદ કરીને રડ્યો હાર્દિક
ટીમ ઇન્ડિયાની જીત બાદ હાર્દિક પંડ્યા ઘણો ભાવુક થઇ ગયો હતો અને સ્વર્ગીય પિતાને યાદ કરીને ધ્રૂસકે ધ્રૂસકે રડી પડ્યો હતો.
Hardik dedicated this inning to his father...moments u love to see ❤️
મારા પિતાએ અનેક બલિદાન આપ્યાઃ હાર્દિક
હાર્દિકે કહ્યું કે મેં મેચ પહેલા રાહુલ સરને કહ્યું હતું કે 10 મહિના પહેલા હું ક્યાં હતો અને હવે હું ક્યાં છું તે એક મોટી વાત છે. હું આ વસ્તુ માટે ખૂબ જ સખત મહેનત કરું છું. આ ઇનિંગ્સ મારા પિતા માટે છે. જો તે અહીં હોત તો તે ખૂબ જ ખુશ થાત. જો મને રમવાની તક ન મળે, તો હું અહીં કેવી રીતે ઉભો રહીશ? મારા પિતાએ ઘણા બલિદાન આપ્યા. તેઓએ અમારા ખાતર બીજા શહેરમાં જવાનું નક્કી કર્યું. જ્યારે અમે બંને છ વર્ષના હતા, ત્યારે તેઓએ શહેર બદલી નાખ્યું. હું હંમેશાં મારા પિતાનો આભારી રહીશ. હાર્દિકે કહ્યું કે વિરાટ કોહલી અને મેં ભલે શ્રેષ્ઠ રમત રમી હોય પરંતુ જીતમાં બધાએ ફાળો આપ્યો હતો. અર્શદીપ, શમી, ભુવનેશ્વરે જે બોલ ફેંક્યો તે શાનદાર હતો. ચાર વિકેટ પડી ગઈ હોવા છતાં સૂર્યાએ ફટકારેલા ચોગ્ગા ખૂબ જ મહત્વના હતા.
જીત બાદ વિરાટ કોહલી પણ રડી પડ્યો
પાકિસ્તાન સામેની મેચમાં દમદાર દેખાવ કરીને ભારતને જીત અપાવનાર કોહલી પણ આંસુડે રંગાયો હતો. બીજી તરફ તેની પત્ની અનુષ્કા શર્માએ પણ પતિની પ્રશંસામાં ઈમોશનલ પોસ્ટ શેર કરી હતી.
ગત વર્ષે હાર્દિકના પિતાનું નિધન થયું હતું નિધન
ઉલ્લેખનીય છે કે હાર્દિક પંડ્યાના પિતા હિમાંશુ પંડ્યાનું ગયા વર્ષે જાન્યુઆરીમાં નિધન થયું હતું. હાર્દિક અને કૃણાલ પંડ્યાને ક્રિકેટર બનાવવામાં તેના પિતાનો મોટો હાથ હતો. હિમાંશુ પંડ્યાએ તો પોતાનો બિઝનેસ પણ બંધ કરી દીધો હતો અને હાર્દિક અને કૃણાલ પંડ્યાને ક્રિકેટર બનાવવા માટે બીજા શહેરમાં સ્થાયી થયા હતા. જેથી બંને બાળકોને ક્રિકેટની સારી સુવિધા પૂરી પાડી શકાય.