ટીમ ઇન્ડિયાના ઓલ-રાઉન્ડર હાર્દિક પંડ્યા હાલમાં જ પિતા બન્યા છે અને પિતા બન્યાના થોડા સમય બાદ જ તે IPL રમવા જતો રહ્યો. હાર્દિક પંડ્યા અગસ્ત્યને ખૂબ મિસ કરી રહ્યો છે.
પોતાના દીકરા અગસ્ત્યને ખૂબ મિસ કરી રહ્યો છે હાર્દિક પંડ્યા
ભાવુક હાર્દિક
ઓસ્ટ્રેલિયા સામે સિડની વનડેની સિરીઝની પહેલી વનડે મેચમાં ભારતે કારમી હારનો સામનો કરવો પડ્યો પરંતુ હાર્દિક પંડ્યાએ આ મેચમાં ખૂબ સારું પ્રદર્શન કર્યું અને મેચ બાદ તેમણે ભાવુક સંદેશ પણ આપ્યો. હાર્દિક પંડ્યા પોતાના દીકરાને ખૂબ મિસ કરી રહ્યા છે. 30 જુલાઈના રોજ દીકરાનો જન્મ થયો હતો અને તેનું નામ અગસ્ત્ય રાખ્યું છે.
મેચ બાદ પંડ્યાએ કહ્યું કે દીકરાના જન્મ બાદ તેમણે જીવનને બીજી રીતે જોવાનું શરુ કરી દીધું અને આ ફેરફાર સારા માટે છે. તેમણે કહ્યું કે તે પોતાના દીકરાને ખૂબ મિસ કરી રહ્યા છે અને જલ્દી ઘરે પાછા જવા માંગે છે.
પંડ્યાએ કહ્યું કે મેં જ્યારે ઘર છોડ્યું હતું ત્યારે તે 15 દિવસનો હતો અને હવે જ્યારે ઘરે જઈશ ત્યારે તે ચાર મહિનાનો થઇ ગયો હશે. મારા માટે બધું બદલાઈ ગયું હશે. અગસ્ત્યનો જન્મ મારા જીવનની સૌથી સારી પળ છે.
નોંધનીય છે કે ભારતના ખેલાડીઓ પહેલા આઈપીએલ રમવા માટે બહાર ગયા અને તે બાદ ત્યાંથી જ સીધા ઓસ્ટ્રેલિયાના પ્રવાસ પર રવાના થયા છે. જેથી ખેલાડીઓ લાંબા સમયથી પોતાના પરિવારથી દૂર છે.