ઈન્ડિયન પ્રીમિયર લીગ 2022માં ઘણો એવો સંયોગ સર્જાયો છે. જ્યાં ચાહકોમાં હાસ્યના ફૂવારા છૂટ્યા છે. ગુરૂવારે ગુજરાત ટાઈટન્સ અને રૉયલ ચેલેન્જર્સ બેંગ્લોર વચ્ચે થયેલા મુકાબલામાં એક એવો સમય આવ્યો.
રોયલ ચેલેન્જર્સ બેંગ્લોર સામેની મેચમાં હાર્દિક કરી રહ્યાં હતા બેટીંગ
ચાલુ મેચમાં હાર્દિકના હાથમાંથી બેટ છૂટી ગયુ
હાર્દિક પંડ્યાની પત્ની નતાશા પણ હસવા લાગી
....અને હાર્દિકના હાથમાંથી બેટ છૂટી ગયુ
ગુજરાતના કેપ્ટન હાર્દિક પંડ્યા બેટીંગ કરી રહ્યાં હતા અને તેના હાથમાંથી બેટ છૂટી ગયુ હતુ. બેટ એટલુ દૂર ગયુ કે સ્ટેન્ડ્સમાં બેઠેલી હાર્દિક પંડ્યાની પત્ની નતાશા પણ હસવા લાગી. જ્યારે ગુજરાત ટાઈટન્સની બેટીંગ ચાલી રહી હતી ત્યારે તે સમયે 10મી ઓવરમાં ગ્લેન મેક્સવેલે ઓવરની છેલ્લી બોલ નાખી. તે સમયે હાર્દિક પંડ્યાએ જોરથી બેટ ઘુમાવ્યું. પરંતુ બેટ તેના હાથમાંથી છૂટી ગયુ અને સીધા સ્કવેર એમ્પાયર પાસે જઇને પડ્યુ.
હાર્દિક પંડ્યાના શૉટમાં એટલો પાવર હતો કે બેટ હાથમાંથી છૂટ્યા બાદ અંદાજે 20 ગજની દૂરી પર જઇને પડ્યુ. આ નજારો જોઈને કોઈ પણ વ્યક્તિ પરશાન થઇ ગયો અને બીજી તરફ હસવા પણ લાગ્યો. સ્ટેન્ડ્સમાં હાર્દિક પંડ્યાની પત્ની અને બોલીવુડ અભિનેત્રી નતાશા પણ હતી. જેનું રીએક્શન સ્ક્રીન પર દેખાયુ અને તેમાં તે હસી રહી હતી. જો ગુજરાત ટાઈટન્સની બેટીંગની વાત કરીએ તો આ મેચમાં પહેલા બેટીંગ કરી ટીમે 168 રન બનાવ્યાં. કેપ્ટન હાર્દિક પંડ્યાએ ફરી એક વખત શાનદાર ઈનિંગ રમી અને 62 રન બનાવ્યાં. હાર્દિક પંડ્યાએ 47 બોલમાં 62 રન બનાવ્યાં. જેમાં 4 ચોગ્ગા અને ત્રણ છગ્ગા ફટકાર્યા.